ଭୁବନେଶ୍ୱର (ସମୃଦ୍ଧ ଓଡିଶା) ଆକାଶବାଣୀ ଓ ଦୂରଦର୍ଶନର ଜଣାଶୁଣା ସମ୍ବାଦ ପାଠକ ସୁବୋଧ ନାୟକଙ୍କୁ ଆଉଟରିଚ ତରଫରୁ ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଛି । ସ୍ଥାନୀୟ ଇନ୍ଦିରାଗାନ୍ଧୀ ପାର୍କ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ଏକାଠି ହୋଇଥିଲେ ଆଉଟରିଚର ସମସ୍ତ ସଦସ୍ୟ ଓ ବହୁ ରେଡିଓ ପ୍ରେମି ସ୍ରୋତାମଣ୍ଡଳୀ । ସମସ୍ତେ ମହମବତୀ ଜଳାଇ ସ୍ୱର୍ଗତ ସୁବୋଧ ନାୟକଙ୍କ ସ୍ମୃତି ଚାରଣ କରିଥିଲେ । ଦିବଂଗତ ଆତ୍ମାର ସଦଗତି ଉଦେଶ୍ୟରେଦୁଇ ମିନିଟ୍ ନୀରବ ପ୍ରାର୍ଥନା କରିଥିଲେ । ଆଜି ସକାଳ ୫ ଟାରେ ହୃଦଘାତ ଯୋଗୁଁ ତାଙ୍କର ପରଲୋକ ହୋଇଯାଇଥିଲା । ଆକାଶବାଣୀ କଟକ ଏବଂ ଦୂରଦର୍ଶନ ଭୁବନେଶ୍ୱରରେ ଦିର୍ଘଦିନ ଧରି ସେ ସମ୍ବାଦ ଉପସ୍ଥାପନା କରୁଥିଲେ ଓ ଏହାଛଡା ଜଣେ କବି ଭାବରେ ମଧ୍ୟ ତାଙ୍କର ସୁନାମ ରହିଛି । ତାଙ୍କର ଅକାଳ ବିୟୋଗରେ ଗଣମାଧ୍ୟମ ଜଗତରେ ଶୋକର ଛାୟା ଖେଳିଯାଇଛି । ତାଙ୍କ ବିୟୋଗ ପରେ ଆଜି ଦିନ ତମାମ ସାମାଜିକ ଗଣମାଧ୍ୟମରେ ବହୁ ବ୍ୟକ୍ତିବିଶେଷ ଶୋକ ପ୍ରକାଶ କରିଥିଲେ । ସେ ଜଣେ ମିଷ୍ଟଭାଷୀ ଓ ବନ୍ଧୁବତ୍ସଳ ବ୍ୟକ୍ତି ଥିଲେ ବୋଲି ଆଉଟରିଚର ମୁଖ୍ୟ ସୁବ୍ରତ କୁମାର ପତି କହିଛନ୍ତି ।
ରିପୋର୍ଟ : ଆକାଶ ମିଶ୍ର