ଛତ୍ରପୁର (ସମୃଦ୍ଧ ଓଡିଶା) ନରେନ୍ଦ୍ରପୁର ହାଇସ୍କୁଲର ପୂର୍ବତନ ପ୍ରଧାନ ଶିକ୍ଷକ ସହଦେଵ ପାଣିଗ୍ରାହୀଙ୍କ ଗତ ଶୁକ୍ରବାର ମହାଶିବରାତ୍ରି ଦିନ ପରଲୋକ ହୋଇଛି । ମୃତ୍ୟୁ ବେଳକୁ ତାଙ୍କୁ ୮୬ ବର୍ଷ ବୟସ ହୋଇଥିଲା । ସେ ଯେତେବେଳେ ନରେନ୍ଦ୍ରପୁର ହାଇସ୍କୁଲର ପୂର୍ବତନ ପ୍ରଧାନ ଶିକ୍ଷକ ଭାବେ କାର୍ଯ୍ୟ କରୁଥିଲେ ସେତେବେଳେ ତାଙ୍କର ନିଷ୍ଠାପର ଶିକ୍ଷାଦାନ ପାଇଁ ରାଜ୍ୟପାଳ ପୁରସ୍କାର ପ୍ରାପ୍ତ କରିଥିଲେ । ଏହାସହ ସେ ଜଣେ ଆଦର୍ଶ ଶିକ୍ଷକ ସହ ଆୟୁର୍ବେଦ ଚିକିତ୍ସକ ଭାବେ ନିଜ ଅଂଚଳରେ ପରିଚିତ ରହିଥିଲେ । ତେଣୁ ସହଦେଵ ପାଣିଗ୍ରାହୀଙ୍କ ପରଲୋକ ହୋଇଥିବା ଖବର ଜଣାପଡିବା ପରେ ତାଙ୍କର ସମସ୍ତ ବନ୍ଧୁ, ବରିଷ୍ଠ ସମାଜ ସେବକ ରାଜେନ୍ଦ୍ର କୁମାର ଜେନା, ଗ୍ରାମର ସରପଞ୍ଚ ବାବୁଲା କୁମାର ବେହେରା ଓ ଛାତ୍ରଛାତ୍ରୀମାନେ ତାଙ୍କ ବାସଭବନରେ ପହଞ୍ଚି ଶ୍ରୀ ପାଣିଗ୍ରାହୀଙ୍କ ଦେଶ ଦର୍ଶନ କରିଥିଲେ । ବର୍ତ୍ତମାନ ସେହି ଅଞ୍ଚଳରେ ଶୋକର ଛାୟା ଖେଳିଯାଇଛି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା