ଜଳେଶ୍ୱର (ସମୃଦ୍ଧ ଓଡିଶା) ଆଜି ଶୁକ୍ରବାର ମହାନଦୀର ମୁଣ୍ଡୁଳୀଠାରେ ଓଟିଭିର ଭୁବନେଶ୍ୱରସ୍ଥିତ ମୁଖ୍ୟ ପ୍ରତିନିଧି ସିଧାପ୍ରସାରଣ କରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇ ମୃତ୍ୟୁବରଣ କରିଥିବା ଜଣାଯାଇଛି । ନିଜ କର୍ତ୍ତବ୍ୟରେ ସବୁବେଳେ ଆଗୁସାର ଥିବା ଅରିନ୍ଦମ ଦାସଙ୍କ ସମ୍ବାଦ ପ୍ରସାରଣ ବାସ୍ତବିକ ଅନନ୍ୟ । ବାଲେଶ୍ୱର ଜିଲାର ଜଳେଶ୍ୱରର ବହୁ ସାମ୍ବାଦିକ ଷ୍ଟେସନ ବଜାରସ୍ଥିତ ସେନ୍ଭବନରେ ଏକତ୍ରିତ ହୋଇ ତାଙ୍କ ଉଦ୍ଦେଶ୍ୟରେ ଏକ ଶୋକସଭା ପାଳନ କରିଛନ୍ତି । ଜଳେଶ୍ୱରର ଓଟିଭି ପ୍ରତିନିଧି ଅଜିତ୍ କୁମାର ଦାସଙ୍କ ଆବାହକତ୍ୱରେ ଅନୁଷ୍ଠିତ ଶୋକ ସଭାରେ ବରିଷ୍ଠ ସାମ୍ବାଦିକ ଅବନୀ କୁମାର ଚନ୍ଦ ସଭାପତିତ୍ୱ କରିଥିଲେ । ଅନ୍ୟମାନଙ୍କ ମଧ୍ୟରେ ଗୋପବଂଧୁ ସାହୁ, ସମ୍ଭୁନାଥ ଦାସ, ବିନୟ ପ୍ରଧାନ, ଇଫରାଜ ସାହା, ସୁଶାନ୍ତ ପ୍ରଧାନ, ଗୌରଗୋପାଳ ସେନ୍, ସତ୍ୟବ୍ରତ ସୋମ, ରବିନାରାୟଣ ପାତ୍ର, ଭୂପତି ପରିଡା, ପତିତ ପାବନ ପ୍ରଧାନ,ଦୁର୍ଗା ଶଂକର ଗିରି, ଅମର ଆଚାର୍ଯ୍ୟ, ଆଶିଷ ଗିରି ପ୍ରମୁଖ ଅରିନ୍ଦମଙ୍କ ନିର୍ଭିକ, ସ୍ପଷ୍ଟ ଓ ସତ୍ୟ ସମ୍ବାଦ ପରିବେଷଣ ସଂପର୍କରେ ଆଲୋଚନା କରିଥିଲେ । ତାଙ୍କ ଉଦ୍ଦେଶ୍ୟରେ ୧ ମିନିଟ୍ ନିରବ ପ୍ରର୍ଥନା କରାଯାଇଥିଲା ।
ରିପୋର୍ଟ : ଭୂପତି ପରିଡା