ଛତ୍ରପୁର (ସମୃଦ୍ଧ ଓଡିଶା) ଜଣେ ବରିଷ୍ଠ ନାଗରିକଙ୍କୁ ଏଟିଏମ୍ରୁ ଟଙ୍କା ଉଠାଣ ସମୟରେ ସାହାଯ୍ୟର ହାତ ବଢାଇ ୬ଲକ୍ଷ ଟଙ୍କା ଠକି ନେଇ ଯାଇଥିବା ଅଭିଯୋଗ ହୋଇଛି । ଏହି ଠକାମିର ଶିକାର ହୋଇଛନ୍ତି ଗଞ୍ଜାମ ଜିଲ୍ଲା ଛତ୍ରପୁର ଥାନା ହଂସପୁର ଗାଁରେ ନିତେଇ ବୋଲି ଜଣାପଡିଛି । ଖବର ଅନୁଯାୟୀ, ଗତ ମାସ ୨୬ତାରିଖ ଦିନ ବଡ଼ମାଧପୁର ଗାଁରେ ଥିବା ଏଟିଏମ୍ ନିକଟକୁ ଟଙ୍କା ଉଠାଇବାକୁ ଯାଇଥିଲେ । ସେ ପ୍ରଥମେ ୧୦ହଜାର ଟଙ୍କା ଉଠାଣ କରିଥିଲେ କିନ୍ତା ତାହା ବାହାରି ନଥିଲା । ତେବେ ଏଟିଏମ୍ ନିକଟରେ ଉପସ୍ଥିତ ଥିବା ଜଣେ ଲୋକ ମେସିନ୍ରୁ ଥରକେ ୧୦ହଜାର ଟଙ୍କା ବାହାରିବ ନାହିଁ ବୋଲି କହିଥିଲେ, ପରେ ତାଙ୍କୁ ଟଙ୍କା ଉଠାଣରେ ସହଯୋଗ କରିଥିଲେ । ପ୍ରଥମେ ୯୫୦୦, ଦ୍ୱିତୀୟ ଥର ୯୫୦୦, ପରେ ୧୦୦୦ ଆଉ ସର୍ବମୋଟ ତାଙ୍କୁ ୨୦ହଜାର ଟଙ୍କା ଉଠାଣରେ ସହଯୋଗ କରିଥିଲେ । ଏହି ସମୟ ମଧ୍ୟରେ ସଂପୃକ୍ତ ବ୍ୟକ୍ତିଜଣଙ୍କ କାର୍ଡ ବଦଳାଇଥିଲେ । ହରିହର ମାଝୀ ଲେଖା ଥିବା ଏଟିଏମ୍ କାର୍ଡ ଦେଇ ଅଦଳବଦଳ କରି ଦେଇଥିଲେ । କିନ୍ତୁ ନୀତେଇ ଏହା ଜାଣି ପାରିନଥିଲେ । ସେପଟେ କାର୍ଡ ବଦଳାଇଥିବା ବ୍ୟକ୍ତି ଜଣଙ୍କ ଲଗାତର ଭାବେ ନୀତେଇଙ୍କ ଆକାଉଣ୍ଟରୁ ଟଙ୍କା ଉଠାଣ କରି ଚାଲିଥିଲେ । ଏପରିକି ସୁନା ଦୋକାନୀରୁ ୨୭ ତାରିଖରେ ୪୫ହଜାର ୩ଶହ ଏବଂ ୨୯ରେ ୪୯ ହଜାର ୫ଶହ ଟଙ୍କାର ସୁନା ମଧ୍ୟ କିଣିଛନ୍ତି । ନୀତେଇ ଚଳିତ ମାସ ୭ତାରିଖରେ ଟଙ୍କା ଉଠାଣ ପାଇଁ ଯିବା ପରେ ତାଙ୍କ ଏଟିଏମ କାର୍ଡ ବଦଳି ଥିବା ଜାଣିବାକୁ ପାଇଥିଲେ । ଏହା ପରେ ସେ ଛତ୍ରପୁର ଷ୍ଟେଟ ବ୍ୟାଙ୍କକୁ ଆସି ପାସବୁକ ଅପଡେଟ କରିବା ପରେ ତାଙ୍କ ଖାତାରୁ ୬ଲକ୍ଷ ୪ ହଜାର ୮ଶହ ଟଙ୍କା ଉଠାଣ ହୋଇଥିବା ଜାଣିବାକୁ ପାଇଥିଲେ । ସେ ଚାକିରି କରିବା ସହ ଅବସର ପରେ ପୁଅ ବାହାଘର ପାଇଁ ଖାତାରେ ୮ ଲକ୍ଷ ଟଙ୍କା ରଖିଥିଲେ ବୋଲି କହିଛନ୍ତି । ଏଟିଏମରେ ଟଙ୍କା ଉଠାଣ ସମୟରେ ତାଙ୍କ ନିକଟରେ ଥିବା ଲୋକ ଜଣକ ମାସ୍କ ପିନ୍ଧି ଥିବାରୁ ସେ ତାକୁ ଜାଣିନଥିବା କହିଛନ୍ତି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
