ଭୁବନେଶ୍ୱର (ସମୃଦ୍ଧ ଓଡିଶା) ଭୁବନେଶ୍ୱର ବିମାନବନ୍ଦରରୁ ଚୋରା ବିଦେଶୀ ସିଗାରେଟ୍ ପ୍ୟାକେଟ୍ ଗୁଡ଼ିକୁ ଜବତ କରିଛି ଗୁଇନ୍ଦା ବିଭାଗ (DRI) । କୋଲକାତାର ୨ଜଣ ବ୍ୟବସାୟୀଙ୍କ ଠାରୁ DRI ପକ୍ଷରୁ ଏହି ସିଗାରେଟ ଜବତ କରାଯାଇଛି । କୁଆଲାଲୁମ୍ପୁରରୁ ଏୟାର ଏସିଆ ବିମାନରେ ସିଗାରେଟ ଚାଲାଣ ବେଳେ ସମ୍ପୃକ୍ତ ୨ଜଣ ବ୍ୟବସାୟୀ ଧରାପଡ଼ିଛନ୍ତି । ସେମାନଙ୍କ ଠାରୁ ୪୦୦ ପ୍ୟାକେଟ ଜବତ କରାଯାଇଛି । ଜବତ ସିଗାରେଟର ଆନୁମାନିକ ମୂଲ୍ୟ ୧୨ ଲକ୍ଷ ଟଙ୍କା । ୨ଜଣଙ୍କୁ ଅଟକ ରଖି ପଚରାଉଚରା କରୁଛି । ଭୁବନେଶ୍ୱର ବିମାନବନ୍ଦର ଦେଇ ବେଧଡକ ଚାଲିଛି ଚୋରାଚାଲାଣ । ସୁନା ପରେ ୧୨ ଲକ୍ଷ ଟଙ୍କାର ବିଦେଶୀ ସିଗାରେଟ ଜବତ କରିଛି ଡିଆରଆଇ । ପୂର୍ବରୁ ବିମାନବନ୍ଦରରେ ସୁନା ଚୋରାଚାଲାଣ ବେଳେ ଧରାପଡିଥିଲା । ଏବେ ବିଦେଶୀ ସିଗାରେଟ ଧରାପଡିବା ଘଟଣା ବିମାନବନ୍ଦର କର୍ତ୍ତୃପକ୍ଷଙ୍କ ଚିନ୍ତାକୁ ବଢାଇଦେଇଛି ।
ରିପୋର୍ଟ : ଆକାଶ ମିଶ୍ର