ପାରଳାଖେମୁଣ୍ଡି(ସମୃଦ୍ଧ ଓଡିଶା)ପାରଳାଖେମୁଣ୍ଡି ସହରରେ ଗତ ୯ ତାରିଖ ଦିନ ଚୋରି ହୋଇଥିବା ଏକ ସ୍କୁଟି କୁ ପୋଲିସ ଆଜି ଉଦ୍ଧାର କରିଥିବା ବେଳେ ଏଥିରେ ସମ୍ପୃକ୍ତ ଥିବା ଆସାମୀ ରାଜୁ ବେହେରାକୁ ପାରଳାଖେମୁଣ୍ଡି ପୋଲିସ ସଫଳତାର ସହ ଗିରଫ କରିଛି । ଆଜି ପାରଳାଖେମୁଣ୍ଡି ଆଦର୍ଶ ଥାନା ପରିସରରେ ଏକ ସାମ୍ବାଦିକ ସମିଳନୀରେ ଗଜପତି ପୋଲିସ ଅଧୀକ୍ଷକ ସାରା ଶର୍ମା ଓ ଥାନା ଅଧିକାରୀ ବିବେକାନନ୍ଦ ସ୍ଵାଇଁ କହିଥିଲେ ଯେ ଗତ ୯ ତାରିଖ ଦିନ ଚୋରି ହୋଇଥିବା ସୁନାରୀ ସାହିର ଲଷ୍ମୀକାନ୍ତ ପରିଛାଙ୍କ ସ୍କୁଟିଟି ଆଜି ଉଦ୍ଧାର କରାଯାଇଛି । ସେ ସେହି ଦିନ ଲିଖିତ ଭାବେ ଥାନାରେ ଅଭିଯୋଗ କରିଥିଲେ । ସେଦିନ ଠାରୁ ଚୋର କୁ ଧରିବା ପାଇଁ ପୋଲିସ ଉଦ୍ୟମ ଜାରୀ ରଖିଥିଲା । ତାଙ୍କ ଅଭିଯାନ ଆଜି ସଫଳ ହୋଇଛି । ରାଜୁ ବେହେରାକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ।ପୋଲିସର ଏଭଳି କାର୍ଯ୍ୟପାଇଁ ଏସପି ଖୁସି ହୋଇଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା