ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ବରିଷ୍ଠ ସମାଜସେବୀ ସ୍ୱର୍ଗତ ପ୍ରଭାକର ପଟ୍ଟନାୟକଙ୍କ ଆସନ୍ତା ୨୭ରେ ପ୍ରଥମ ଶ୍ରାଦ୍ଧବାର୍ଷିକ ଅନୁଷ୍ଠିତ ହେବ । ଏହି ଅବସରରେ ସେହି ଦିନ ଏକ ମେଗା ରକ୍ତ ଦାନ ଶିବିର ଅନୁଷ୍ଠିତ କରାଯିବ । ଏ ନେଇ ଗତକାଲି ଛତ୍ରପୁର ରେଡ଼ିଙ୍ଗି ରୁମରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସ୍ମୃତି କମିଟି ପକ୍ଷରୁ ସୂଚନା ଦିଆଯାଇଛି । ଏହାସହ ୨୭ରେ ରକ୍ତ ଦାନ ଶିବିର ଓ ୨୮ରେ ଏକ ସ୍ମୃତି ସଭା ହେବ ବୋଲି କମିଟି ସଭାପତି ସୁଧୀର ପଟ୍ଟନାୟକ କହିଛନ୍ତି । ସ୍ୱର୍ଗତ ପଟ୍ଟନାୟକ ଜଣେ ଜିଲ୍ଲା ସମେତ ରାଜ୍ୟର ଜଣେ ବରିଷ୍ଠ ସମାଜସେବୀ ଭାବେ ପରିଚିତ । ସେ ସବୁବେଳେ ଗରିବ ଲୋକଙ୍କୁ ସାହାର୍ଯ୍ୟ କରି ଆସୁଥିଲେ । ସେ ତାଙ୍କ ଜନ୍ମ ଦିବସରେ ଛତ୍ରପୁରରେ ମେଗା ରକ୍ତ ଦାନ ଶିବିର କରିବା ସହ ମେଡିକାଲରେ ରୋଗୀମାନଙ୍କୁ ଫଳ ବଣ୍ଟନ କରୁଥିଲେ । ଏହି ସାମ୍ବାଦିକ ସମ୍ମିଳନୀରେ କମିଟିର ଉପସଭାପତି ସମାପ୍ତି ପଟ୍ଟନାୟକ, ଉପଦେଷ୍ଠା ତଥା ପୂର୍ବତନ ବିଧାୟକ ଅଶୋକ ଚୌଧୁରୀ, ସମ୍ପାଦକ ବି. ରାଜିବାବୁ, କୋଡିନେଟର ଅରୁଣ ଶତପଥୀଙ୍କ ସମେତ କମିଟିର ସଦସ୍ୟମାନେ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା