ପଶ୍ଚିମବାର୍ଡ(ସମୃଦ୍ଧ ଓଡିଶା )ଜଳେଶ୍ୱର ବ୍ଲକ ଅନ୍ତର୍ଗତ ମହମ୍ମଦନଗରପାଟଣା ପଂଚାୟତର ସ୍ୱାମୀ ବିବେକାନନ୍ଦ ଉଚ୍ଚ ବିଦ୍ୟାଳୟ ପୁରାତନ ଛାତ୍ର ସଂସଦ ପକ୍ଷରୁ ଏକ ସ୍ୱେଚ୍ଛାକୃତ ରକ୍ତ ଦାନ ଶିବିର ଆଜି ପୂର୍ବାହ୍ନରେ ଅନୁଷ୍ଠିତ ହୋଇ ଯାଇଛି । ଏହି ରକ୍ତଦାନ ଶିବିରକୁ ଅବସରପ୍ରାପ୍ତ ପ୍ରଧାନ ଶିକ୍ଷକ ଅରବିନ୍ଦ ଦାସ ମହାପାତ୍ର ଉଦ୍ଘାଟନ କରିଥିଲେ । ଜିଲା ରକ୍ତଭଣ୍ଡାର ପକ୍ଷରୁ ମେଡିକାଲ ଅଫିସର ଡା. ମହେଶ ଚନ୍ଦ୍ର ବିଶ୍ୱାଳ, ବିଜୟ କୁମାର ପଟ୍ଟନାୟକ, ଦେବାଶିଷ ଦତ୍ତ, ନରେନ୍ଦ୍ର ମଲ୍ଲିକ, ଅଜୟ ମହାପାତ୍ର ପ୍ରମୁଖ ଏହି ଶିବିରରେ ଉପସ୍ଥିତ ରହି ରକ୍ତ ସଂଗ୍ରହ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ଧିରେନ୍ଦ୍ର ନାଥ ପଣ୍ଡା ଙ୍କ ତତ୍ୱାବଧାନରେ ଦିନବଂଧୁ ଦାସ, ପୂର୍ବତନ ଛାତ୍ର ଅରୁଣ ସେନାପତି, ମଦନ ମୋହନ ଦାସ, ନିରଂଜନ ଗିରି, ସନ୍ତୋଷ ଗିରି, ଚନ୍ଦନ ଗିରି, ଚୈତନ ବେଜ, ମୃତ୍ୟୁଞ୍ଜୟ ନାଥ, ଅଧିର ଦେ, ଅଜୟ ମହାନ୍ତି, ଜନାର୍ଦ୍ଦନ ମିଶ୍ର, ସସ୍ମିତା ସେଠୀ, କାଜଲ ବେସ୍ରା ପ୍ରମୁଖ ଏହି ଶିବିର ପରିଚାଳନାରେ ସହାୟତା କରିଥିଲେ । ଏହି ଶିବିରରୁ ମୋଟ ୬୫ ୟୁନିଟ୍ ରକ୍ତ ସଂଗୃହିତ ହୋଇଥିଲା । ରିପୋର୍ଟ : ଭୂପତି କୁମାର ପରିଡା
