ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ସ୍ଥିତ ଭୋଡୋଫୋନ କମ୍ପାନୀର ରୁରାଲ ସୋର୍ସ ବିଜିନେସ୍ ସଭିସ୍ ପ୍ରାଇଭେଟ ଲିମିଟେଡ ପକ୍ଷରୁ ନୂଆବଜାରସ୍ଥିତ ସେଞ୍ଚୁରି ପ୍ଲାଜା ସମ୍ମିଳନୀ କ୍ଷରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି । ଜଳେଶ୍ୱର ଶାଖର ମୁଖ୍ୟ ମୟଙ୍କ ଗୁପ୍ତା ଓ ସହମୁଖ୍ୟ ସୁକୁମାର ଦାସଙ୍କ ଦ୍ୱାରା ଆୟୋଜିତ ଏହି ରକ୍ତଦାନ ଶିବିରରେ ୭୩ୟୁନିଟ ରକ୍ତ ସଂଗୃହୀତ ହୋଇଛି । ସ୍ଥାନୀୟ ମ୍ୟାନେଜର ଦୀପକ କୁମାର ପ୍ରଧାନ, ବରିଷ୍ଠ ଅଫିସର ବ୍ୟାସଦେବ ବେହେରା, ସଂଯୁକ୍ତା ରଣା, ଅଭିଜିତ୍ ନାଥ, ସୁମନ ସରକାର, ଦେବାଶିଷ କୟାଲ, ରଂଜନ ଘୋଷ ଏହି ରକ୍ତାଦାନ ଶିବିରକୁ ପରିଚାଳନା କରିଥିଲେ । ବାଲେଶ୍ୱର ବ୍ଲଡବ୍ୟାଙ୍କର ଡାକ୍ତର ବସନ୍ତ ଉପାଧ୍ୟାୟ, ସ୍ୱାତୀ ରାଜ, ଜ୍ୟୋତିଷ ପ୍ରଧାନ, ବିନୋଦ ପ୍ରଧାନ ଓ ବାଲେଶ୍ୱର ରକ୍ତଦାତା ସଂଘର ସଭାପତି କମଳ ଚକ୍ରବର୍ତ୍ତୀ ଉପସ୍ଥିତ ରହି ଏହି କାର୍ଯ୍ୟରେ ସହାୟତା କରିଥିଲେ । ପ୍ରକାଶଯୋଗ୍ୟ ପଶ୍ଚିମବଂଗ ଲାଗି ମେଦିନୀପୁର ଓ ବାଲେଶ୍ୱର ଜିଲା ଉପାନ୍ତ ୬୦ନଂ ଜାତୀୟ ରାଜପଥ ନିକଟରେ ଭୋଡାଫୋନର ରୁରାଲ ସୋର୍ସ ବିଜିନେସ୍ ସଭିସ୍ ପ୍ରାଇଭେଟ ଲିମିଟେଡର ଏକ କାର୍ଯ୍ୟାଳୟ କାର୍ଯ୍ୟ କରି ଆସୁଛି । ସେମାନଙ୍କ ପକ୍ଷରୁ ବିଭିନ୍ନ ସମୟରେ ସାମାଜିକ କାର୍ଯ୍ୟ କରାଯାଇଥିଲେ ।
ରିପୋର୍ଟ : ଭୁପିତ କୁମାର ପରିଡ଼ା