ହିଞ୍ଜିଳିକାଟୁ (ସମୃଦ୍ଧ ଓଡିଶା) ହିଞ୍ଜିଳିକାଟୁର ମାଣିକନଗରରେ ଜଣେ ଅଧ୍ୟାପକଙ୍କ ଝୁଲନ୍ତା ମୃତଦେହ ଉଦ୍ଧାର କରିଛି ହିଞ୍ଜିଳି ପୋଲିସ । ସେ କିଛିଦିନ ହେଲା ମାନସିକ ଚାପ କାରଣରୁ ଆତ୍ମହତ୍ୟା କରିଥିବା ସାଧାରଣରେ ଚର୍ଚ୍ଚା ହେଉଛି । ମୃତ ବ୍ୟକ୍ତି ହେଲେ ରାଜେନ୍ଦ୍ର ଭୂୟାଁ ଏବଂ ସେ ସ୍ଥାନୀୟ କଙ୍କୋରଡ଼ା ବିଜ୍ଞାନ ମହାବିଦ୍ୟାଳୟର ପଦାର୍ଥ ବିଜ୍ଞାନ ବିଭାଗର ଅଧ୍ୟାପକ ବୋଲି ଜଣାପଡ଼ିଛି । ତାଙ୍କ ଘର ଭଦ୍ରକ ହୋଇଥିବା ବେଳେ ସେ ଗତ ୨୨ଦିନ ହେଲା ମାଣିକନଗରରେ ଭଡ଼ାରେ ରହୁଥିଲେ । ସେ ଗତ କିଛି ଦିନ ହେବ ମାନସିକ ଚାପରେ ରହୁଥିବାରୁ ଆତ୍ମହତ୍ୟା କରିଥିବା ସର୍ବସାଧାରଣରେ ଚର୍ଚ୍ଚା ହେଉଛି । ପୋଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା