ଭୁବନେଶ୍ୱର (ସମୃଦ୍ଧ ଓଡିଶା) ରୋଟାରୀ ଆନ୍ତର୍ଜାତିକ ଜିଲ୍ଲା ୩୨୬୨ ସ୍ତରୀୟ ପୁରସ୍କାର ବିତରଣ ଉତ୍ସବରେ ଛତ୍ରପୁର ରୋଟାରୀ କ୍ଲବକୁ ଉଲ୍ଲେଖନୀୟ ସଫଳତା ମିଳିଛି । ଭୁବନେଶ୍ୱରର ହିନ୍ଦୁସ୍ଥାନ ଇଣ୍ଟରନ୍ୟାସନାଲ ପରିସରରେ ଆୟୋଜିତ ଏହି କାର୍ଯ୍ୟକ୍ରମରେ ଛତ୍ରପୁରର ରୋଟାରୀ କ୍ଲବ ୬ଟି ପୁରସ୍କାର ପାଇଛି । ସାମଗ୍ରିକ ଭାବେ କ୍ଳବ ତୃତୀୟ ସ୍ଥାନ ଅଧିକାର କରି ସିଲଭର ପୁରସ୍କାର ସହ ପ୍ରାଣୀ ଚିକିତ୍ସା କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ ପାଇଁ ସ୍ୱତନ୍ତ୍ର ପୁରସ୍କାର ପାଇଛି । ଆସିଷ୍ଟାଣ୍ଟ ଗଭର୍ଣ୍ଣର ବର୍ଗରେ କ୍ଳବ ସଦସ୍ୟ ସୁରଜିତ ସାମନ୍ତରାୟ ଓ ସମ୍ପାଦକ ବର୍ଗରେ ଏସ୍ ରେଖା ମହାନ୍ତି ଶ୍ରେଷ୍ଠ ବିବେଚିତ ହୋଇ ପ୍ଳାଟିନମ ପୁରସ୍କାର ପାଇଛନ୍ତି । ସଭାପତି ବର୍ଗରେ କେ ବାସୁଦେବ ରାଓ ସ୍ୱର୍ଣ୍ଣ ପୁରସ୍କାର ପ୍ରାପ୍ତ ହୋଇଥିବା ବେଳେ ପୂର୍ବତନ ସଭାପତି ପ୍ରଫୁଲ୍ଲ ପଟନାୟକଙ୍କୁ ସ୍ୱତନ୍ତ୍ର ଭାବେ ସମ୍ମାନିତ କରାଯାଇଥିଲା । ଏହି ପୁରସ୍କାର କ୍ଳବ ସଦସ୍ୟମାନଙ୍କୁ ଆହୁରି ଅଧିକ ସାମାଜିକ କାର୍ଯ୍ୟ କରିବାକୁ ପ୍ରୋତ୍ସାହିତ କରିବ ବୋଲି ଆଶା ପ୍ରକାଶ କରିଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
