ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଥିବା BSNL ଉପଖଣ୍ଡ କାର୍ଯ୍ୟାଳୟରେ କାର୍ଯ୍ୟରତ କାଜୁଆଲ BSNL କର୍ମଚାରୀ ମାନେ ୧୧ ମାସର ଦରମା ପାଇନଥିବା ଅଭିଯୋଗ ହୋଇଛି ।ଏହି ବିଷୟରେ ଏସଡିଓଙ୍କୁ ଲିଖିତ ଆକାରରେ ଜଣାଇଲେ ମଧ୍ୟ କିଛି ପଦକ୍ଷେପ ନେଉନାହାନ୍ତି । ଏବଂ ସରଳ ଭାବରେ କହୁଛନ୍ତି ଠିକାଦାରଙ୍କୁ ଦେଇଛନ୍ତି । ଏହି ଲକଡାଉନ ପରିସ୍ଥିତିରେ ଜାଣି ଶୁଣି ହଇରାଣ କରୁଛନ୍ତି ବୋଲି କାଜୁଆଲ କର୍ମଚାରୀମାନେ ଅଭିଯୋଗ କରିଛନ୍ତି । ଆମର ଅସୁବିଧା ଏସଡିଓ କିମ୍ବା BSNL ମେନେଜମେଣ୍ଟ ଲିଖିତ ଆକାରରେ ଦେଲେ ମଧ୍ୟ ଉତ୍ତର ଦେଉନଥିବା ଅଭଯୋଗ କରିଛନ୍ତି । ଯାହା ଫଳରେ ୧.୫.୨୦୨୦ ଠାରୁ ପ୍ରତିଦିନ BSNL ଅଫିସ ଯାଇ ଫେରୁଛନ୍ତି ବୋଲି ସେମାନେ କହିଛନ୍ତି । ଏହାସହ ଆମର ଅସୁବିଧା ଓ ସମସ୍ୟା BSNL ବିଭାଗର ଉଚ୍ଚ ଅଧିକାରୀ ମାନେ ଅବଗତ ହେଲେ ଆମେ ଚିର ଉପକୃତ ହେବୁ ବୋଲି ସେମାନେ କହିଛନ୍ତି ଏବଂ ଗଣମାଧ୍ୟମ ଜରିଆରେ ଖବର ପ୍ରସାରଣ ପରେ ଏହି ସମସ୍ୟା ପ୍ରତି ଧ୍ୟାନ ଦେବାକୁ ଅନୁରୋଧ କରିଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା