ଭୁବନେଶ୍ୱର (ସମୃଦ୍ଧ ଓଡିଶା) ଆଜିକୁ ଦିର୍ଘ ୧୬ ମାସ ହେବ ନିଜର ଚୁକ୍ତିଭିତ୍ତିକ ସମୟସୀମାକୁ ପୂରଣ କରିସାରିଲା ପରେ ମଧ୍ୟ ଆଜି ୨୦୧୩ ବ୍ୟାଚ୍ ମସିହାରେ ନିଯୁକ୍ତି ପାଇଥିବା ୫୦୦୦ରୁ ଉର୍ଦ୍ଧ୍ଵ ଶିକ୍ଷକ/ଶିକ୍ଷୟିତ୍ରୀଙ୍କୁ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟର ସାବତ ପୁଅ/ଝିଅ ପରି ବ୍ୟବହାର କରୁଛି ବୋଲି ଓଡିଶା ସରକାରୀ ହାଇସ୍କୁଲ ଚୁକ୍ତିଭିତ୍ତିକ ଶିକ୍ଷକ ସଂଘ ପକ୍ଷରୁ ଅଭିଯୋଗ ହୋଇଛି । ଚିଠି.ନଂ.-୪୮୮୧୭/ତାରିଖ-୧୭-୧୨-୨୦୧୯ ଏବଂ ପୁନର୍ବାର ଚିଠି.ନଂ.-୯୫୦୬/ତାରିଖ:-୧୭-୦୩-୨୦୨୦ଦ୍ୱାରା ୨୦୧୩ ନିୟମିତ ପ୍ରସ୍ତାବ ସବୁ ଜିଲ୍ଲା ଶିକ୍ଷା ଅଧିକାରୀ ମାଗିଥିଲେ ମଧ୍ୟ ଆଜି ପର୍ଯ୍ୟନ୍ତ ଖୋର୍ଦ୍ଧା, ଭଦ୍ରକ, ନବରଙ୍ଗପୁର, ଯାଜପୁର ଏପର୍ଯ୍ୟନ୍ତ ନିଜର ନିୟମିତ ପ୍ରସ୍ତାବ ଦେଇ ନାହାନ୍ତି । ଏପର୍ଯ୍ୟନ୍ତ ସେମାନେ ନିର୍ଦ୍ଦେଶକଙ୍କର ନିର୍ଦ୍ଦେଶନାମାକୁ ଫୁ କରି ଉଡେଇ ଦେଇଛନ୍ତି । ଚିଠି ନଂ ୨୫୭୧୪/ତା:-୨୯-୦୭-୨୦୧୬ ଅନୁସାରେ ଫେବ୍ରୁଆରି ୧୫ ସୁଧା ସବୁ ଜିଲ୍ଲାରୁ ପ୍ରସ୍ତାବ ମାଧ୍ୟମିକ ନିର୍ଦ୍ଦେଶଳାୟକୁ ଆସିବା କଥା ଏବଂ ମାର୍ଚ୍ଚ ୧୫ ସୁଧା ଏହା ସରକାରଙ୍କର ଅନୁମୋଦନ ପାଇଁ ସଚିବାଳୟକୁ ଯିବା କଥା । କିନ୍ତୁ ଅତ୍ୟନ୍ତ ଦୁଃଖ ଓ ପରିତାପର ବିଷୟ ଯେ, ପ୍ରିୟାପ୍ରୀତି ତୋଷଣ ପାଇଁ ଫାଇଲ୍ ଟି ଏପର୍ଯ୍ୟନ୍ତ ପୁଟ୍ ଅଫ୍ ହୋଇ ପାରିନାହିଁ ବୋଲି ସଂଘ ଦାବୀ କରିଛି । ଯଦି ଆଗାମି ୧୫ ଦିନ ମଧ୍ୟରେ ଏହାର ସମାଧାନ ନ କରାଯାଏ, ତେବେ ଆମେ ବାଧ୍ୟ ହୋଇ ମୁଖ୍ୟମନ୍ତ୍ରୀଙ୍କର ଦୃଷ୍ଟି ଆକର୍ଷଣ କରିବୁ ବୋଲି ରାଜ୍ୟ ସଂଘର ମୁଖ୍ୟ ଉପଦେଷ୍ଟା ପ୍ରଭାତ ମହାନ୍ତି ସୂଚନା ପ୍ରଦାନ କରିଛନ୍ତି ।
ରିପୋର୍ଟ : ବିଜୟ ମଲ୍ଲ
