ଜଳେଶ୍ଵର (ସମୃଦ୍ଧ ଓଡିଶା) ଆଜି ଅପରାହ୍ନ ୩ ଘଟିକା ସମୟରେ ୬୦ ନମ୍ବର ଜାତୀୟ ରାଜପଥ ଗାୟତ୍ରୀ ପେଟ୍ରୋଲ ପମ୍ପ ନିକଟ ହୋଟେଲ ରାଜପଥ (ଜି.ଟି) ଆଗରେ ଏକ ଟ୍ରଲର ଅନ୍ୟ ଏକ ମଟର ସାଇକେଲକୁ ମୁହାଁ ମୁହିଁ ଧକ୍କା ହେବା ଫଳରେ ଦୁଇ ଜଣ ମଟର ସାଇକେଲ ଆରୋହୀ ଗୁରୁତର ହୋଇଥିବା ଜଣାଯାଇଛି । ସୂଚନା ଅନୁଯାୟୀ ଘଟଣାରୁ ଜଣାପଡ଼ିଛି, ଆଜି ଜଳେଶ୍ଵର ବ୍ଲକ ପାଇକସିଦା ଗ୍ରାମ ପଞ୍ଚାୟତ ଅଧିନସ୍ଥ ବାଲିକବାର୍ଡ ଗ୍ରାମର ଯତୀନ୍ଦ୍ର ଜେନା ପି.ରାମଚନ୍ଦ୍ର ୪୯ ବର୍ଷ ଓ ଜଟିଆ ଜେନା ଓରଫ ଯତୀନ୍ଦ୍ର ନାଥ ଜେନା ପି.କାଙ୍ଗାଳି ୪୦ ବର୍ଷ ଘରୁ ସୁନାକଣିଆ ହାଟକୁ ଛୋଟ ଛେଳି ଖର୍ଦ୍ଦି କରିବାକୁ ଯାଉଥିଲେ, ହେଲେ ସେମାନେ ହାଟ ଧରିବା ପୂର୍ବରୁ ୬୦ ନମ୍ବର ଜାତୀୟ ରାଜପଥ ଗାୟତ୍ରୀ ପେଟ୍ରୋଲ ପମ୍ପ ନିକଟରେ ଥିବା ହୋଟେଲ ରାଜପଥ(ଜି.ଟି) ଆଗରେ ପଶ୍ଚିମବଙ୍ଗ ପଟରୁ ଆସୁଥିବା ଟ୍ରଲର ଧକ୍କା ଦେବାରୁ ଘଟଣା ସ୍ଥଳରେ ପଡ଼ି ଯାଇଥିଲେ ଓ ଟ୍ରଲରଟି ଫେରାଇ ହୋଇ ଯାଇଥିଲା । ସଙ୍ଗେ ସଙ୍ଗେ ସ୍ଥାନୀୟ ଜନସାଧାରଣ ଜି.କେ ହସପିଟାଲକୁ ନେଇ ଯାଇଥିଲେ । ଦୁଇ ଜଣଙ୍କ ମଧ୍ୟରୁ ଜଟିଆ ଜେନା ଗୁରୁତର ହେବାରୁ, ତାଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ଏବଂ ସେମାନେ ଗୁରୁତର ଅବସ୍ଥାରେ ପଡ଼ିଥିବା ବେଳେ ଜଟିଆ ଜେନା ବେକରୁ ଏକ ସୁନା ହାର ଓ ୫ ହଜାର ଟଙ୍କା କେହି ଲୋକ ନେଇ ଯାଇଥିବା ଅଭିଯୋଗ ହୋଇଛି । ଜଳେଶ୍ଵର ପୋଲିସ ଘଟଣା ସ୍ଥଳରେ ପହଞ୍ଚି ଏହାର ତଦନ୍ତ ଆରମ୍ଭ କରିଛି ।
ରିପୋର୍ଟ : ଭୂପତି କୁମାର ପରିଡା
