ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ରେଳ ଷ୍ଟେସନ ପ୍ଲାଟଫର୍ମରେ ହଠାତ୍ ଜଣେ ଅଜଣା ମହିଳା (୫୦) ସଂଜ୍ଞାହୀନ ହୋଇ ପଡିଯିବାରୁ ତାଙ୍କୁ ତୁରନ୍ତ ଜଳେଶ୍ୱର ଜିକେଭଟ୍ଟର ହସ୍ପିଟାଲରେ ଷ୍ଟେସନ ମ୍ୟାନେଜର ଖଗେନ୍ଦ୍ର ନାଥ ମଣ୍ଡଳ ଭର୍ତ୍ତୀ କରାଇଛନ୍ତି । ଗତ ୨ଦିନ ଧରି ସେ ଜଳେଶ୍ବର ଷ୍ଟେସନ ଅଂଚଳରେ ଭିକ୍ଷାବୃତି କରୁଥିବାର କେତେକ ପ୍ରତ୍ୟକ୍ଷଦର୍ଶୀ କହିଛନ୍ତି । ତାଙ୍କ ନିକଟରେ ରେଳବାଇର ଜଣେ ୪ର୍ଥ ଶ୍ରେଣ କର୍ମଚାରୀ ପ୍ରଶାନ୍ତ ଦାସ ଜଗି ରହିଥିବା ବେଳେ ବଜ୍ରଂ ଦଳର ପବନ ସାହୁ, ଅଜଂନ ଦାସ, ପ୍ରଦୀପ ବାରିକ, ରବିନ୍ଦ୍ର ନାଥ ପାତ୍ର, ସାମ୍ବାଦିକ ସତ୍ୟବ୍ରତ ସୋମ ଓ ରବିନ୍ଦ୍ର ନାଥ ସେନାପତି ପ୍ରମୁଖ ସହ୍ପିଟାଲ ନେବାରେ ସହଯୋଗ କରିଥିଲେ । କୌଣସି ସୁହୃଦ୍ ବ୍ୟକ୍ତି ଏ ସଂପର୍କରେ ତଥ୍ୟ ଜାଣିଥିଲେ ଭଟ୍ଟର ହସ୍ପିଟାଲରେ ପହଞ୍ଚିବାକୁ ଶ୍ରୀ ମଣ୍ଡଳ ଅନୁରୋଧ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡ଼ା
