ପାରଳାଖେମୁଣ୍ଡି(ସମୃଦ୍ଧ ଓଡିଶା)ଗଜପତି ଜିଲା ଆର.ଉଦୟଗିରି ପୋଲିସ ଗତକାଲି ଏକ ଅଟୋ ଉପରେ ଚଢାଉ କରି ୫ବସ୍ତା ଗଞ୍ଜେଇ ଜବତ କରିବା ସହ ଜଣକୁ ଗିରଫ କରିଛି । ଆର୍.ଉଦୟଗିରି ଥାନା ଅନ୍ତର୍ଗତ ରଣାଇଲଇ ଠାରୁ ନୂଆଗାଁ ରାସ୍ତା ମଧ୍ୟରେ ଥିବା ଗଡର ଗ୍ରାମ ନିକଟରେ ଏକ ଅଟୋରେ ଚୋରା ଗଞ୍ଜେଇ ଚାଲାଣ ହେଉଥିବା ଖବର ପାଇ ସ୍ଥାନୀୟ ପୋଲିସ ଚଢ଼ାଉ କରି ଅଟୋରେ ବସ୍ତା ଭିତରେ ଥିବା ଗଞ୍ଜାଇ ଜବତ କରିଛି । ଆଜି ସକାଳେ ଏକ ଅଟୋରିକ୍ସା ନଂ ଓଡି ୩୨ ୪୫୮୮ ରେ ରଣାଇଲଇ ଠାରୁ ନୂଆଗାଁ ଦିଗକୁ ଯାଉଥିବା ବେଳେ କୌଣସି ସୂତ୍ରରୁ ପୋଲିସ ସନ୍ଦେହ କରି ସେହି ଅଟୋକୁ ଅଟକାଇ ପଚରା ଉଚରା କରିଥିଲା । ଖୋଳତାଡ କରିବା ସମୟରେ ସେଥିରେ ଥିବା ୫ଗୋଟି ବସ୍ତାରୁ ମୋଟ ୬୦କିଲୋ ଗଞ୍ଜେଇ ଜବତ କରାଯାଇଥିଲା । ୬୦କିଲୋ ଗଞ୍ଜେଇ ଜବତ କରାଯିବା ସହ ଏଥିରେ ସମ୍ପୃକ୍ତି ଅଭିଯୋଗରେ ନୂଆଗାଁ ଗ୍ରାମର ଯୋଗେନ୍ଦ୍ର ମଣ୍ଡଳଙ୍କୁ ଗିରଫ କରାଯାଇଥିବାର ଆର୍.ଉଦୟଗିରି ଏସ୍.ଡି.ପି.ଓ. ଅଶୋକ କୁମାର ମହାନ୍ତି ସୂଚନା ଦେଇଛନ୍ତି ।
ରିପୋର୍ଟ : କୃଷ୍ଣ କୁମାର ବେହେରା