ଅଡ଼ବା (ସମୃଦ୍ଧ ଓଡିଶା) ଅଡବା ପୋଲିସର ପେଟ୍ରୋଲିଂ ବେଳେ ଆଡପଙ୍କା ଗ୍ରାମ ନିକଟସ୍ଥ ହାଡୁପଦର ଛକରେ ଦୁଇ ଗଞ୍ଜେଇ ବେପାରିକୁ ଗିରଫ କରିବା ସହ ୧୨୦ କେଜି ଗଞ୍ଜେଇ ଜବତ କରିଛି ପୋଲିସ । ଗିରଫ ଦୁଇ ଅଭିଯୁକ୍ତ ହେଲେ ବିହାର ପ୍ରଦେଶର ବୈଶାଳୀ ଜିଲ୍ଲା ଅନ୍ତର୍ଗତ ରୋହନ ଥାନା, ମୋହାନଗର ଗ୍ରାମର ପପୁ ସାହ ଏବଂ ମୋହନା ଥାନା ଅନ୍ତର୍ଗତ ଚଡିଆପଦା ଗ୍ରାମର କାହ୍ନୁ ଚରଣ ମଲ୍ଲିକ । ଆଜି ସକାଳ ୧୧ଟା ସମୟରେ ଉକ୍ତ ଦୁଇ ଜଣ ବ୍ୟକ୍ତି ଗଞ୍ଜେଇ ବସ୍ଥା ଧରି ଗାଡିକୁ ଅପେକ୍ଷା କରିଥିବା ବେଳେ ସନ୍ଧେହ କରି ଅଡବା ପୋଲିସ ଟିମ ଧରିବା ପରେ ଜଣାପଡିଥିଲା, ଉକ୍ତ ଗଞ୍ଜେଇକୁ ବ୍ରହ୍ମପୁର ଓ ଭୁବନେଶ୍ବର ପଠାଯିବାର ବ୍ୟବସ୍ଥା କରାଯାଉଥିବା ପ୍ରାଥମିକ ତଦନ୍ତରୁ ଧରାପଡିଥିବା ଅଡବା ଥାନା ଅଧିକାରୀ ଅଜୟ ବାରିକ୍ ସୂଚନା ଦେଇଛନ୍ତି । ଉଭୟଙ୍କୁ କୋର୍ଟ ଚାଲାଣ କରାଯାଇଥିବା କୁହାଯାଇଛି ।
ରିପୋର୍ଟ : କୃଷ୍ଣ କୁମାର ବେହେରା