ଛତ୍ରପୁର (ସମୃଦ୍ଧ ଓଡିଶା) ଜିଲ୍ଲାରେ ଚୋରା ମଦ ଓ ଗଞ୍ଜେଇ କାରବାର ନ କରିବାକୁ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଅଧିକ ଗୁରୁତ୍ୱ ଦେଉଥିବା ବେଳେ ଆଜି ଅବକାରୀ ବିଭାଗ ଜିଲ୍ଲା ବାହାରୁ ଗଞ୍ଜେଇ ଆସୁଥିବା ଖବର ପାଇ ଚଢାଉ କରି ୨୬ କେଜି ୯ ଗ୍ରାମ ଗଞ୍ଜେଇ ଜବତ କରିବା ସହ ଦୁଇ ଜଣଙ୍କୁ ଗିରଫ କରିଛି । ଚମାଖଣ୍ଡି ଥାନା ଅନ୍ତର୍ଗତ ଜଗନ୍ନାଥପୁର ଛକଠାରେ ଏକ ଗାଡିରେ ଗଞ୍ଜେଇ ଆସୁଥିବା ବେଳେ ଛତ୍ରପୁର ଅବକାରୀ ବିଭାଗ ଚଢାଉ କରିଥିଲେ । ଚଢାଉ ସମୟରେ ଏକ ବେଗରୁ ୧୨ କେଜି ୪୦୦ ଗ୍ରାମ ଗଞ୍ଜେଇ ଜବତ କରିବା ସହ ଜଣଙ୍କୁ ଗିରଫ କରିଥିଲେ । ଗିରଫ ଜଣକ ହେଲେ ଗଜପତି ଜିଲ୍ଲା ଅଡବା ଥାନା ମହନା ଅଥଁଳର ସୁନିଲ୍ ବିରା ୨୬ । ସେହିପରି ଛତ୍ରପୁର କଲେଜ ଛକଠାରେ ଜଣଙ୍କୁ ଗିରଫ କରାଯାଇଥିଲା । ତା ନିକଟରୁ ୧୪ କେଜି ୫୦୦ ଗ୍ରାମ ଗଞ୍ଜେଇ ଜବତ କରାଯାଇଛି । ଗିରଫ ଜଣକ ହେଲେ ସୁନାମ ପାଲ । ଛତ୍ରପୁର ଅବକାରୀ ବିଭାଗ ପକ୍ଷରୁ ଦୁଇଟି ପୃଥକ ୧୮/୨୦୧୯ ଓ ୧୯/୨୦୧୯ରେ ମାମଲା ରୁଜୁ କରାଯାଇଥିବା ଅବକାରୀ ଅଧିକ୍ଷକ ରାମଚନ୍ଦ୍ର ମିଶ୍ର ସୂଚନା ଦେଇଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା