ବୁଗୁଡା (ସମୃଦ୍ଧ ଓଡିଶା) ବୁଗୁଡା ବ୍ଲକ ଅନ୍ତର୍ଗତ ଘୋଡାପଡା ଉନ୍ନୀତ ଉଚ୍ଚ ବିଦ୍ୟାଳୟର ସହକାରୀ ଶିକ୍ଷକ ପ୍ରଭାକର ଗୌଡ଼ ଏପ୍ରିଲ ୩୦ ତାରିଖରେ ଅବସର ଗ୍ରହଣ କରିଥିଲେ । ଶ୍ରୀ ଗୌଡ଼ ପ୍ରଥମେ ଭଗବାନପୁର ସ୍କୁଲରେ ୧୯୯୦ ମସିହାରେ ନିଯୁକ୍ତି ପାଇ ୨୦୨୦ ଏପ୍ରିଲ ମାସରେ ଅବସର ଗ୍ରହଣ କରିଥିଲେ । ମଇ ୧ ତାରିଖରେ ବୁଗୁଡା ବିଇଓ ରସାନନ୍ଦ କର,ଅବସରପ୍ରାପ୍ତ ଶିକ୍ଷକ ପ୍ରଭାକର ଗୌଡ଼ଙ୍କୁ ପେନସନ ପତ୍ର ପ୍ରଦାନ କରି ଅବସର ସମୟ ଶାନ୍ତିରେ କଟିବାକୁ କାମନା କରିଥିଲେ । ଶ୍ରୀ ଗୌଡ଼ଙ୍କୁ ପେନସନ ପତ୍ର ଦେବା ସମୟରେ ଏବିଇଓ ପୀତାମ୍ବର ବିଷୋୟୀ ଓ ପ୍ରମୋଦ ଚନ୍ଦ୍ର ସେନାପତି ଏବଂ ମୁଖ୍ୟ କିରାଣୀ ନଗେନ୍ଦ୍ର ନାୟକ ଉପସ୍ଥିତ ଥିଲେ । ସାମାଜିକ ଦୂରତା ରକ୍ଷା କରି ଏହି ସମୟରେ ବାହାରେ ପ୍ରାଥମିକ ଶିକ୍ଷକ ସଂଘ ସଭାପତି ମନୋରଞ୍ଜନ ଦାଶ ଓ ସମ୍ପାଦକ ନଗେନ୍ଦ୍ର ଷଡଙ୍ଗୀ ଉପସ୍ଥିତ ରହି ଶ୍ରୀ ଗୌଡ଼ଙ୍କୁ ସମ୍ବର୍ଦ୍ଧିତ କରିଥିଲେ ।
ରିପୋର୍ଟ : ଡ଼ଃ କୁମୁଦ ଚନ୍ଦ୍ର ବେହେରା