ବ୍ରହ୍ମପୁର (ସମୃଦ୍ଧ ଓଡିଶା) ବର୍ତ୍ତମାନ ସାରା ଦେଶରେ କରୋନା ମହାମାରୀ ଦୃତ ଗତିରେ ସଂକ୍ରମଣର ସଂଖ୍ୟା ବଢ଼ାଇ ଭୟଙ୍କର ପରିସ୍ଥିତି ସୃଷ୍ଟି କରିଥିବା ବେଳେ ଏଥିରେ ବହୁ ଜୀବନ ହନ୍ତସନ୍ତ ଓ ଅସ୍ତବ୍ୟସ୍ତ ହୋଇପଡିଛି । କେହିନା କେହି ନିଜ ଜୀବିକା ହରେଇ କଷ୍ଟରେ ଜୀବନ ବିତାଉଛନ୍ତି । ଲକଡାଉନ, ସଟଡ଼ାଉନରେ ବହୁ ଅସହାୟ ପରିବାର ଭୋକ ଉପବାସରେ ବହୁ ଦୁର୍ଦିନରେ ଜୀବନ ଅତିବାହିତ କରୁଛନ୍ତି । ଆଜି ଗଣମାଧ୍ୟମରୁ ଖବର ପାଇ ବ୍ରହ୍ମପୁର ସ୍ଥିତ କାହ୍ନ। ଚାରିଟେବଲ ଟ୍ରଷ୍ଟର କିଛି ବଦାନ୍ୟ ସଦସ୍ୟମାନଙ୍କ ସହାୟତା କ୍ରମେ ବ୍ରହ୍ମପୁର ହାଉସିଂ ବୋର୍ଡ କୋଲନିର ଏକ ଅସହାୟ ଅଭାବୀ ପରିବାରକୁ ଦୁଇ ମାସର ରୋଷେଇ ଖାଦ୍ୟ ସାମଗ୍ରୀ ଓ ଶୁଖିଲା ଖାଦ୍ୟ ଯୋଗା ଯାଇଛି ଏବଂ ପ୍ରଶାସନର ଦୃଷ୍ଟି ଆକର୍ଷଣ ସହ ସମାଜ ଓ ପ୍ରଶାସନକୁ ସାହାଯ୍ୟ ପାଇଁ ନିବେଦନ ଜଣାଇଥିବା ଜଣାଯାଇଛି । ଏହି କାର୍ଯ୍ୟକ୍ରମରେ ଶ୍ରୀମତୀ ରଞ୍ଜନା ମିଶ୍ରଙ୍କ ନେତୃତ୍ବରେ ରବୀନ୍ଦ୍ରନାଥ ମିଶ୍ର, ବିଜୟ କୃଷ୍ଣ ମହାନ୍ତି, କଳ୍ପନା ନାୟକ, ରାକେଶ ସିଂ ଦେଓ, ସୁନୀଲ ସାହୁ, ରାଜେଶ ପାଢ଼ୀ ପ୍ରମୁଖ ଉପସ୍ଥିତ ରହିଥିଲେ ।
