ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ନାମ୍ପୋ ଗାଁର ପ୍ରଣବେଶ ମହାନ୍ତିଙ୍କ ଆଜି ଦିନ ୯ଟାରେ ପରଲୋକ ହୋଇଛି । ମୃତ୍ୟୁବେଳକୁ ତାଙ୍କର ବୟସ ୭୦ବର୍ଷ ହୋଇଥିଲା । ଗତ ୪ ଦିନ ଧରି ସେ ପିଡିତ ଥିବାରୁ କଲିକତାସ୍ଥିତ ନିଲରତନ ସରକାର ମେଡିକାଲ କଲେଜରେ ଚିକିତ୍ସିତ ହେଉଥିଲେ । ଏହି ଘଟଣା ଶୁଣିବାପରେ ତାଙ୍କର ଏକମାତ୍ର ପୁତ୍ର ପ୍ରଦୀପ ମହାନ୍ତି ଓ ସ୍ତ୍ରୀ ସଂଯୁକ୍ତା ମହାନ୍ତି ଡାକ୍ତରଖାନାରେ ପହଞ୍ଚିଛନ୍ତି । ଗଂଗନଦୀକୂଳ ନିମତାଲାଠାରେ ତାଙ୍କର ଶେଷକୃତ୍ୱ ସମ୍ପନ୍ନ ହେବବୋଲି ପରିବାର ସୂତ୍ରରୁ ପ୍ରକାଶ । ପ୍ରକାଶଯୋଗ୍ୟ ପ୍ରଣବେଶ ମହାନ୍ତି ଅଣକଂଗ୍ରେସ ରାଜନିତୀର ଜଣେ ବଳିଷ୍ଠ ଚେହେରା । ଜନତାଦଳ, ବିଜୁ ଜନତା ଦଳ ଇତ୍ୟାଦି ସହିତ ସେ ଦୀର୍ଘଦିନ ଜଡିତ ଥିବା ବେଳେ ବିଜୁ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ଥିଲେ । ତାଙ୍କ ମୃତ୍ୟୁ ଖବର ପାଇ ନାମ୍ପୋ ଅଂଚଳରେ ଶୋକର ଛାୟା ଖେଳି ଯାଇଛି ।
ରିପୋର୍ଟ : ଭୂପତି ପରିଡା
