ଆସିକା (ସମୃଦ୍ଧ ଓଡିଶା) ଗତକାଲି ତଥା ଏପ୍ରିଲ ୧୮ତାରିଖ ଦିନ ଦ୍ଵିତୀୟ ପର୍ଯ୍ୟାୟ ଭୋଟ ଗ୍ରହଣ ଶାନ୍ତି ଶୃଙ୍ଖଳାର ସହ ଅନୁଷ୍ଠିତ ହୋଇଯାଇଛି । କିଛି କିଛି ବୁଥରେ ଇଭିଏମ ଅଚଳ ଯୋଗୁଁ କିଛି ସମୟ ବିଳମ୍ବରେ ଅନୁଷ୍ଠିତ ହୋଇଥିଲା । ଏହି ଅବସରରେ ଆସିକା ନିର୍ବାଚନ ମଣ୍ଡଳୀରେ ୬୭ ମତଦାନ ହୋଇଛି । ନିର୍ବାଚନ ଅଧିକାରୀଙ୍କ ସମସ୍ତ କାର୍ଯ୍ୟସୂଚୀ ଅନୁଯାୟୀ ନିର୍ବାଚନ ମଣ୍ଡଳୀର ୨ଟି ବ୍ଲକ ଆସିକା ବ୍ଲକ ଓ କବିସୂର୍ଯ୍ୟନଗର ବ୍ଲକର ମୋଟା ୩୯ଟି ପଞ୍ଚାୟତ ଓ ଆସିକା ଏନଏସିର ୧୮ଟି ୱାର୍ଡରେ ଥିବା ମୋଟ ୨୦୯ ବୁଥରେ ସକାଳ ୭ଟା ଠାରୁ ସନ୍ଧ୍ୟା ୬ଘଟିକା ମଧ୍ୟରେ ନିର୍ବାଚନ ଅନୁଷ୍ଠିତ ହୋଇଥିଲା । ୪୨ଟି ବୁଥ ଚିହ୍ନଟ କରାଯାଇଥିବା ବେଳେ ଏହି ସ୍ଥାନରେ ଵ୍ୟାପକ ପୋଲିଂ ମୁତୟନ କରାଯାଇଥିଲା । ସମସ୍ତ ବୁଥର ଇଭିଏମ ଗୁଡିକ ଆସିକା ବ୍ଲକରେ ରାତି ୮ଟା ସୁଦ୍ଧା ପହଞ୍ଚି ଥିବା ଆସିକା ବିଡ଼ିଓ ଗାୟତ୍ରୀ ଦତ୍ତ ନାୟକଙ୍କ ଠାରୁ ସୂଚନା ମିଳିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା