ଆହତ ସାମ୍ବାଦିକଙ୍କୁ ରୋଡ୍‌ ଶୋ’ ବେଳେ ସାହାଯ୍ୟ କଲେ ରାହୁଲ ଓ ପ୍ରିୟଙ୍କା…

ୱାୟାନାଡ଼ (ସମୃଦ୍ଧ ଓଡିଶା) ଭିଡ଼ ଭିତରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି ପୁଣିଥରେ ପ୍ରଶଂସାର ପାତ୍ର ହୋଇଛନ୍ତି । କିନ୍ତୁ ଏଥର ସେ ଏକା ନୁହନ୍ତି, ତାଙ୍କ ସହ ଭଉଣୀ ପ୍ରିୟଙ୍କା ଗାନ୍ଧି ମଧ୍ୟ ଅନ୍ୟମାନଙ୍କ ପାଇଁ ଉଦାହରଣ ପାଲଟିଛନ୍ତି । ଖବର ସଂଗ୍ରହ କରୁଥିବା ୩ ଜଣ ସାମ୍ବାଦିକ ଅଚାନକ ବ୍ୟାରିକେଡ୍‌ ଭାଙ୍ଗିପଡ଼ିବାରୁ ଆହତ ହୋଇଥିବା ବେଳେ ଉଭୟ ରାହୁଲ ଏବଂ ପ୍ରିୟଙ୍କା ସେମାନଙ୍କୁ ସାହାଯ୍ୟ କରିବାକୁ ଆଗେଇ ଆସିବା ସହ ସେମାନଙ୍କୁ ଆମ୍ବୁଲାନ୍ସରେ ହସ୍ପିଟାଲ୍‌ ପଠାଇଥିଲେ । ଏହାକୁ ସୋଶାଲ୍‌ ମିଡିଆରେ ଅନେକ ଲୋକ ପ୍ରଶଂସା କରିଛନ୍ତି । ରାହୁଲ ଗାନ୍ଧି ଏହା ଦେଖିବା କ୍ଷଣି ନିଜ ଗାଡ଼ିରୁ ଓହ୍ଲାଇବା ସହ ସମସ୍ତଙ୍କୁ ସାହାଯ୍ୟ କରିବାକୁ ଆଗେଇ ଆସିଥିଲେ । ତାଙ୍କ ସହ ଉଭଣୀ ପ୍ରିୟଙ୍କା ଗାନ୍ଧି ମଧ୍ୟ ରହିଥିଲେ । ରାହୁଲ ନିଜେ ତଳେ ପଡ଼ିଥିବା ସାମ୍ବାଦିକଙ୍କୁ ଉଠାଇବା ସହ ସେମାନଙ୍କୁ ଆମ୍ବୁଲାନ୍ସରେ ହସ୍ପିଟାଲ୍‌ ନେବାର ବ୍ୟବସ୍ଥା କରିଥିଲେ ।