ବୁଗୁଡା (ସମୃଦ୍ଧ ଓଡିଶା) ଅଗ୍ରଣୀ ସ୍ଵେଚ୍ଛାସେବୀ ସଙ୍ଗଠନ “ଇଣ୍ଡିଆ” ପକ୍ଷରୁ ଗରିବ ଆଦିବାସୀ ଓ ହରିଜନଙ୍କ ସମେତ ନିଃସହାୟ ଓ ବିଧବା ମହିଳା ଏବଂ ଶ୍ରମଜୀବୀମାନଙ୍କୁ ଅଗଷ୍ଟ ୧୨ ତାରିଖ ବୁଧବାର ଦିନ ଶୁଖିଲା ଖାଦ୍ୟ ପକେଟ ମାଗଣା ବଣ୍ଟନ କରାଯାଇଛି । ସ୍ଵେଚ୍ଛାସେବୀ ସଙ୍ଗଠନ “ଇଣ୍ଡିଆ” ର ଡ଼ାଇରେକ୍ଟର ଡ଼. କୁମୁଦ ଚନ୍ଦ୍ର ବେହେରାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବୁଗୁଡା ବ୍ଲକର ଗୋଲିଆ ପଞ୍ଚାୟତ ଅନ୍ତର୍ଗତ ଚିରିକିପଡା ଓ କୁଶପଲ୍ଲୀ ଗ୍ରାମରେ ଏବଂ ପୋଲସରା ବ୍ଲକର ପାଣ୍ଡିରିପଡା ଗ୍ରାମରେ ଶୁଖିଲା ଖାଦ୍ୟ ପକେଟ ମାଗଣା ବଣ୍ଟନ କରାଯାଇଛି । ଶୁଖିଲା ଖାଦ୍ୟ ପକେଟରେ ଚାଉଳ, ଡାଲି, ସୁଜି, ଅଟା, ତେଲ,ହଳଦୀ ଗୁଣ୍ଡ, ମସଲା ଗୁଣ୍ଡ, ଚାହା ଗୁଣ୍ଡ, ଦୁଗ୍ଧ ଗୁଣ୍ଡ ପ୍ରଭୃତି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ରହିଥିବା ଡ଼ାଇରେକ୍ଟର ଡକ୍ଟର ଶ୍ରୀ ବେହେରା ପ୍ରକାଶ କରିଛନ୍ତି । ଏଥିସହ ସେ ପ୍ରକାଶ କରିଛନ୍ତି ଯେ ବୁଗୁଡା, ପୋଲସରା ସମେତ ଜଗନ୍ନାଥ ପ୍ରସାଦ ଓ ଆସିକା ବ୍ଲକରେ ମଧ୍ୟ ଏହି ଶୁଖିଲା ଖାଦ୍ୟ ସାମଗ୍ରୀ ବଣ୍ଟନ କାର୍ଯ୍ୟ ଅନୁଷ୍ଠିତ ହେବ ।
ରିପୋର୍ଟ ଡ଼. କୁମୁଦ ଚନ୍ଦ୍ର ବେହେରା