ଛତ୍ରପୁର (ସମୃଦ୍ଧ ଓଡିଶା) ଦକ୍ଷିଣାଞ୍ଚଳ ରାଜସ୍ବ କମିଶନରଙ୍କ ସମ୍ମିଳନୀ କକ୍ଷଠାରେ ଶନିବାର ଇ-ଫାଇଲିଂଗ, ଇ-ପେମେଣ୍ଟ ବ୍ୟବସ୍ଥା ସମ୍ପର୍କିତ ଏକ କର୍ମଶାଳା ଅନୁଷ୍ଠିତ ହୋଇଯାଇଛି I ମାନ୍ୟବର ଓଡିଶା ହାଇକୋର୍ଟ ମୁଖ୍ୟ ବିଚାରପତି ଡ଼. ଏସ. ମୁରଲୀଧର ଏହି କର୍ମଶାଳର ଉଦଘାଟନ କରି ନିଜ ବକ୍ତବ୍ୟରେ ଜଣାଇ ଥିଲେ ଯେ, ଆଜି ସଫ୍ଟୱେର ବିକାଶ ଫଳରେ ପ୍ରଚଳିତ ଧାରା ଠାରୁ ପ୍ରତ୍ୟେକ ମଣିଷକୁ ଉନ୍ନତି ସୋପାନରେ ପହଞ୍ଚିବାର ଆବଶ୍ୟକତା ରହିଛି I ପୂର୍ବର ବ୍ୟବସ୍ଥାର ପରିବର୍ତ୍ତନ ଘଟି ଆଜି ଆମ୍ଭେମାନେ ନିଜ ହାତ ମୁଠାରେ ଦୁନିଆର ଖବର ସହିତ ସମସ୍ତ ପ୍ରକାର ସୁବିଧା ସ୍ୱଳ୍ପ ସମୟ ଏବଂ ସ୍ୱଳ୍ପ ବ୍ୟୟରେ ପାଇ ପାରୁଛେ I ଠିକ ସେହିଭଳି ଇ-ଫାଇଲିଂଗ ବ୍ୟବହାର କରିବାର ସୁବିଧା ବର୍ତ୍ତମାନ ଆମେ ହାସଲ କରିପାରିବା I ଏହି ଦିଗରେ ଓକିଲ ମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ, ସେମାନେ ଇ-ଫାଇଲିଂଗ, ଇ-ପେମେଣ୍ଟର ଜ୍ଞାନ ହାସଲ ନିମନ୍ତେ ଏହି ପ୍ରଶିକ୍ଷଣ ଶିବରରେ ମାଷ୍ଟର ଟ୍ରେନର୍ ମାନଙ୍କ ଦ୍ୱାରା ଜାଣିପାରିବେ । ଏହା ଦ୍ୱାରା କୋର୍ଟର ସୂଚନା, ଯୋଗାଯୋଗ ଓ ପ୍ରଯୁକ୍ତି ବିଦ୍ୟା (ଆଇ.ସି.ଟି) ସାମର୍ଥ୍ୟରେ ଓକିଲ ମାନଙ୍କର ଅଂଶ ଗ୍ରହଣ ସେବା ବିତରଣର ଗୁଣ ବଢାଇବ । ଦ୍ଵିତୀୟତଃ ଓକିଲ ମାନଙ୍କ ପାଇଁ ମାମଲାର ଯୋଜନା ଏବଂ କାର୍ଯ୍ୟସୂଚୀ ହୋଇପାରିବ । ଭାରତର ସୁପ୍ରିମକୋର୍ଟର ଇ-କମିଟି ଇ-ଫାଇଲିଂଗ ସିଷ୍ଟମକୁ ଡିଜାଇନ୍ ଏବଂ ସେଟ୍ କରିଛନ୍ତି, ଯାହା ଆଇନଗତ କାଗଜପତ୍ର (ଇ-ଫାଇଲିଂ)ର ଇଲେକ୍ଟ୍ରୋନିକ୍ ଫାଇଲ୍ ସକ୍ଷମ କରିବ । ଇ-ଫାଇଲ୍ ବ୍ୟବହାର କରି ମାମଲା (ଉଭୟ ନାଗରିକ ଏବଂ ଅପରାଧିକ) ମାନ୍ୟବର ହାଇକୋର୍ଟ ଏବଂ ଜିଲ୍ଲା କୋର୍ଟରେ ଦାଖଲ କରାଯାଇପାରିବ ଯାହା ଏହି ଇ-ଫାଇଲ୍ ବ୍ୟବସ୍ଥାରେ ଗ୍ରହଣ ଯୋଗ୍ୟ ହେବ । ଏହି ଇ-ଫାଇଲିଂଗ ସିଷ୍ଟମର ଆଭିମୁଖ୍ୟ ହେଉଛି କାଗଜହୀନ ଦାଖଲକୁ ପ୍ରୋତ୍ସାହିତ କରିବା ଏବଂ ଭାରତର ବିଭିନ୍ନ କୋର୍ଟରେ ମାମଲା ଦାୟର କରିବା ପାଇଁ ବୈଷୟୀକ ସମାଧାନ ଗ୍ରହଣ କରି ସମୟ ଏବଂ ବ୍ୟୟ ସଞ୍ଚୟ ଦକ୍ଷତା ସୃଷ୍ଟି କରିବ । କୋର୍ଟ ଫିସ୍ ର ଇ-ଦେୟ ମଧ୍ୟରେ ଇ-ଫାଇଲ୍ ଓଡ଼ିଶା ହାଇକୋର୍ଟରେ ଉଦଘାଟନ ହେବା ପରେ ଓଡିଶାର ଇ-କୋର୍ଟ୍ସ ପ୍ରକଳ୍ପ ଆରମ୍ଭ ହୋଇଛି ଯାହା ଆଉ ଏକ ମାଇଲଖୁଣ୍ଟ ହାସଲ କରିବ । ଅନଲାଇନ ମାମଲା ଦାଖଲ ପାଇଁ ‘ଇ-ଫାଇଲିଂ’ ପୋର୍ଟାଲ୍ ୨୪୪ ସମଗ୍ର ରାଜ୍ୟରେ କୋର୍ଟ ପ୍ରତିଷ୍ଠାନ ଏବଂ ‘ଇପେ’ ପୋର୍ଟାଲ । କୋର୍ଟର ଅନଲାଇନ୍ ଦେୟ ପାଇଁ NIC ଦ୍ୱାରା ବିକଶିତ ହୋଇ ହାଇକୋର୍ଟ ଏବଂ ଜିଲ୍ଲା କୋର୍ଟରେ ଦେୟ ପୈଠ କରିପାରିବେ । ଓଡ଼ିଶାର ପ୍ରଧାନ ବିଚାରପତି ମାନ୍ୟବର ଡକ୍ଟର ଜଷ୍ଟିସ୍ ଏସ୍ ମୁରଲିଧର ଉପରୋକ୍ତ କାର୍ଯ୍ୟର ଆରମ୍ଭ କରିଛନ୍ତି । ଏହାଦ୍ୱାରା ମୋକଦ୍ଦମାକାରୀ ଏବଂ ଓକିଲମାନଙ୍କର ଲାଭ ହୋଇପାରିବ । ଜିଲ୍ଲା ଜଜ୍, ନ୍ୟାୟିକ ଅଧିକାରୀ ଏବଂ ଜିଲ୍ଲାରେ କାର୍ଯ୍ୟ କରୁଥିବା ଆଇନଜୀବୀ ଏବଂ ଏହି ସମାରୋହରେ ଯୋଗ ଦେଇଥିବା ଓଡିଶା ରାଜ୍ୟ ଅଧୀନରେ ଥିବା କୋର୍ଟଗୁଡିକର ମାଷ୍ଟର ଟ୍ରେନର ମାନେ ଉପସ୍ଥିତ ରହି ପ୍ରଶିକ୍ଷଣ ପ୍ରଦାନ କରିଥିଲେ । ଆଜିର ଏହି କାର୍ଯ୍ୟକ୍ରମରେ ଜିଲ୍ଲା ବିଚାରପତି ଗଞ୍ଜାମ ଶଶୀକାନ୍ତ ମିଶ୍ର ସ୍ୱାଗତ ଜଣାଇ ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଗଞ୍ଜାମ ଓକିଲ ସଂଘର ସଭାପତି ଜନାର୍ଦ୍ଦନ ସୁବୁଦ୍ଧି, ଉଚ୍ଚ ନ୍ୟାୟାଳୟର ବିଚାରପତି ଡଃ ବି.ଆର୍. ଷଡଙ୍ଗୀ ନିଜ ନିଜର ବକ୍ତବ୍ୟରେ ଇ-ଫାଇଲିଂ ବ୍ୟବସ୍ଥାର ଉଦ୍ଦେଶ୍ୟ ଉପରେ ଗୁରୁତ୍ୱାରୋପ କରିଥିଲେ । ପରି ଶେଷରେ ଗଞ୍ଜାମ ଓକିଲ ସଂଘର ସମ୍ପାଦକ ପ୍ରଦୀପ କୁମାର ବେହେରା ଧନ୍ୟବାଦ ଅର୍ପଣ କରିଥିଲେ । ମାଷ୍ଟର ଟ୍ରେନର୍ ଭାବେ ଢେଙ୍କାନାଳ ରେଜିଷ୍ଟ୍ରାର୍ ଚିନ୍ମୟ ମିଶ୍ର, ଭଞ୍ଜନଗର ସବ୍ ଜଜ୍ ବେଦ ପ୍ରକାଶ ପ୍ରଶିକ୍ଷଣ ପ୍ରଦାନ କରିଥିଲେ ବୋଲି ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଜଣାଇଛନ୍ତି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
