ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ବର୍ତ୍ତନା ପଂଚାୟତର ଉତ୍ସବ ଚରଣ ଗାଜିଆଣି ଚଣ୍ଡି ଉଚ୍ଚ ମାଧ୍ୟମିକ ବିଦ୍ୟାଳୟର ଶିତକାଳୀନ ସ୍ୱତନ୍ତ୍ର ଜାତୀୟ ସେବାଶିବିର ଉଦ୍ଯାପିତ ହୋଇଯାଇଛି । ଏହି ଶିବିରରେ ମୋଟ ୫୪ଜଣ ସ୍ୱେଚ୍ଛାସେବୀ ଯୋଗ ଦେଇଥିଲେ । ମେଦିନିପୁର ଓ ଗୌରିବେଲଦା ଗାଁର ଲୋକମାନଙ୍କୁ ସ୍ୱଚ୍ଛତା, ପାଇଖାନା ବ୍ୟବହାର, ବୃକ୍ଷରୋପଣ, ଡେଙ୍ଗୁ ନିରାକରଣ, ଜନଧନ ଯୋଜନା ପ୍ରଭୃତି କଲ୍ୟାଣମୂଳକ କାର୍ଯ୍ୟକ୍ରମ ସଂପର୍କରେ ସଚେତନ ସୃଷ୍ଟି କରିଥିଲେ । ୨ଜଣ ପ୍ରେଗ୍ରାମ ଅଫିସର ଗୀତାରାଣୀ ନାୟକ ଓ ସସ୍ମିତା ଦାସ ପ୍ରମୁଖ ଯୋଗ ଦେଇ ସ୍ୱେଚ୍ଛାସେବୀ ମାନଙ୍କୁ ମାର୍ଗଦର୍ଶନ କରିଥିଲେ । ଉଦ୍ଯାପନୀ ଉତ୍ସବରେ ଅଧ୍ୟକ୍ଷ କାଳୀକିଙ୍କର ମହାନ୍ତି ପୌରହିତ୍ୱରେ ଅନୁଷ୍ଠିତ ସଭାରେ ଅଧ୍ୟାପକ ହେମନ୍ତ କୁମାର ସାହୁ, ହରିଶଂକର ଦାସ, ପରେଶ ଚନ୍ଦ୍ର କାମିଳା, ଓ ସମାଜସେବୀ ରାଜୀବ ଲୋଚନ ଦାସ, ଶ୍ରୀମନ୍ତ ମହାଳିକ ପ୍ରମୁଖ ଯୋଗ ଦେଇଥିଲେ ।
ରିପୋର୍ଟ : ଭୂପତି କୁମାର ପରିଡା