ଛତ୍ରପୁର (ସମୃଦ୍ଧ ଓଡିଶା) ଆର୍ଯ୍ୟପଲ୍ଲୀ ସାମୁଦ୍ରିକ ଥାନା ନିକଟ ବ୍ରେକ୍ ୱାଟର ଠାରେ ଏକ ବୃଦ୍ଧାଙ୍କ ଶବକୁ ପୋଲିସ ଉଦ୍ଧାର କରିଥିବା ସୂଚନା ମିଳିଛି । ସୂଚନା ଅନୁଯାୟୀ ପ୍ରାଥମିକ ତଦନ୍ତରୁ ଜଣାପଡିଛି ଯେ, ବୃଦ୍ଧା ଜଣକ ଏ.ବ୍ରାରା ଲକ୍ଷ୍ମୀ (୬୫) ଫୁଲବାଣୀ ଜିଲ୍ଲା ଟିକାବାଲି ଅଞ୍ଚଳର । ସେ ବ୍ରହ୍ମପୁର ଝିଅର ଶ୍ୱଶୁର ଘରକୁ ବୁଲିବାକୁ ଆସିଥିଲେ । ମନ୍ଦିର ଯିବି କହି ଗତକାଲି ଠାରୁ ନିଖୋଜ ହୋଇଯାଇଥିଲେ । ଶବକୁ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି । ସାମୁଦ୍ରିକ ଥାନା ପକ୍ଷରୁ ୨/୨୦୧୯ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚାଲିଛି ବୋଲି ଏଏସଆଇ ଆର୍.ନାରାୟଣ ରେଡ୍ଡି ସୂଚନା ଦେଇଛନ୍ତି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା