ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ମାଟିର ସୁଯୋଗ୍ୟ ସନ୍ତାନ ତଥା ଲାଖ ଚାଷର ଜନକଭାବେ ପରିଚିତ, ଓୟୁଏଟିର ପ୍ରାଧ୍ୟାପକ ଡ. ରଂଜନ କୁମାର କରଙ୍କୁ ଆନ୍ତର୍ଜାତୀୟ ଏସିଆନ୍ ଏଜୁକେସନ୍ ଆୱାର୍ଡ ପ୍ରଦାନ କରାଯାଇଛି । କାଇଟସ୍ ଏଜୁକେସନ୍, ଫାଉଣ୍ଡର ସାର୍କଲ ଅଫ ଲାଇଫ ଓ ବ୍ରେନ୍ ପାୱାର ସର୍ଭିସେସ୍ ଦ୍ୱାରା ୨୦୨୦ରେ ଡ. କରଙ୍କୁ ଏହା ମିଳିଥିବା ଜଣାଯାଇଛି । ସେ ଏବେ ଓୟୁଏଟିରେ ବନବିଜ୍ଞାନର ପ୍ରାଧ୍ୟାପକଭାବେ କାର୍ଯ୍ୟରତ । ପଣ୍ଡିତ ଦୁର୍ଗାରାମ କର ଓ ଅନୀତା କରଙ୍କ ଜ୍ୟେଷ୍ଠପୁତ୍ର ଡ. ରଂଜନ କର ରାଇବଣିଆର ରାଇବଳିଆର ସିଂ ହାଇସ୍କୁଲର ୧୯୮୮ ମସିହାରେ ମ୍ୟାଟ୍ରିକ ପାସ୍ କରି ଓୟୁଏଟିରୁ ସ୍ନାତକ, ହିମାଳଚ ପ୍ରଦେଶର ଡ. ଯଶୋବନ୍ଦ ସିଂ କରମର ବିଶ୍ୱବିଦ୍ୟାଳୟରୁ କୃଷି ବନୀକରଣରେ ସ୍ନାତକତ୍ୱର ଓ ମିଜୋରାମ ସ୍ଥିତ କ୍ରେନ୍ଦ୍ରୀୟ ବିଶ୍ୱବିଦ୍ୟାଳୟରୁ ବନବିଜ୍ଞାନରେ ପିଏଚ୍ଡି ଉପାଧି ପାଇ ଆନ୍ତର୍ଜାତୀୟ ସ୍ତରରେ ବହୁ ପୁସ୍ତକ ରଚନା କରିଛନ୍ତି । ବାଲେଶ୍ୱର ଜିଲାର କୃଷି କ୍ଷେତ୍ରରେ ବିପର୍ଯ୍ୟୟ ପରିଚାଳନାର ସୂତ୍ର ସେହିଁ ପ୍ରସ୍ତୁତ କରିଥିଲେ । ଜିଲାର ଜୈବବିଭିଦତା ଉପରେ ଗବେଷଣା କରି ଏକ ସନ୍ଦର୍ଭ ପ୍ରସ୍ତୁତ କରିଥିବା ଜଣାଯାଏ । ଏହି ସମ୍ମାନ ତାଙ୍କୁ ମିଳିଥିବାରୁ ଜଳେଶ୍ୱର ଓ ଭୋଗରାଇ ଅଂଚଳରେ ଆନନ୍ଦର ଢେଉ ଖେଳି ଯାଇଛି । କୃଷି ଗବେଷଣା କ୍ଷେତ୍ରରେ ସେ ଭାରତ ସରକାରଙ୍କ ପକ୍ଷରୁ ଶ୍ରେଷ୍ଟ ବୈଜ୍ଞାନୀକ ଭାବେ ପୂର୍ବରୁ ପୁରସ୍କୃତ ହୋଇଛନ୍ତି । ଏବେ ଏସୀୟା ମହାଦେଶର ୨୦୦ଜଣ ଅଧ୍ୟାପକଙ୍କୁ ଏପରି ୍ରାୱାର୍ଡ ମିଳିଥିବା ବେଳେ ସେ ସେମାନଙ୍କ ମଧ୍ୟରୁ ଅନ୍ୟତମ ବୋଲି ସନ୍ଦର୍ଭରେ ପ୍ରକାଶ କରାଯାଇଛି । ତାଙ୍କର ଜନ୍ମସ୍ଥାନ ଭୋଗରାଇରେ ହୋଇଥିବା ବେଳେ ଶୈଶବଅବସ୍ଥାରୁ ଜଳେଶ୍ୱରରେ ଅବସ୍ଥାନ କରି ଆସୁଛନ୍ତି ।
