ଶେରଗଡ଼ (ସମୃଦ୍ଧ ଓଡିଶା) କରୋନା ଯୋଦ୍ଧାଙ୍କୁ ସମ୍ମାନିତ କରିବା ସହ ଦାନ କଲେ ଶେରଗଡ଼ ବ୍ଲକ ଅନ୍ତର୍ଗତ ଡେଙ୍ଗାପଦର ସଙ୍ଗରୋଧ କେନ୍ଦ୍ରରେ ଥିବା ପ୍ରବାସୀ ଓଡ଼ିଆ । ଯୁଦ୍ଧକାଳୀନ ଭିତ୍ତିରେ ଭୟାନକ ମହାମାରୀ କରୋନା ଦାଉରୁ ଉଦ୍ଧାର ପାଇଁ ସରକାରଙ୍କ ନିଷ୍ପତ୍ତି ପ୍ରକାରେ ଦାଉ ଦାଉ ଖରା ଓ ବର୍ଷା ଝଡରେ ଦିନ ରାତି ଏକ କରି ସେମାନେ ଦୀର୍ଘ ୩୦-୩୫ ଦିନ ହେଲା ନିଜ ଘରକୁ ନଯାଇ ବାହାର ରାଜ୍ୟ ତଥା ଦେଶରୁ ଫେରିଥିବା ପ୍ରବାସୀ ଓଡ଼ିଆ ମାନଙ୍କ ପାଇଁ ସୁବିଧା ଯୋଗାଇ ଦେବାକୁ ଅଣ୍ଟା ଭିଡିଥିଲେ ଓ ନିଜ ପରିବାର ପରି ସମ୍ପର୍କ, ଉତ୍ତମ ଖାଦ୍ୟ ଓ ରହିବା ପାଇଁ ନିରାପତ୍ତା ଯୋଗେଇ ଥିବାରୁ ଆଜି ସେମାନଙ୍କ ନିଜ ନିଜ ଘରକୁ ପ୍ରତ୍ୟାବର୍ତ୍ତନ କରିଥିବା ସମୟରେ କରୋନା ଯୋଦ୍ଧାର ପ୍ରଥମ ଯୋଦ୍ଧା ଡେଙ୍ଗାପଦର ଗ୍ରାମପଞ୍ଚାୟତର ଜିଲାପାଳ ତଥା ସରପଞ୍ଚ ରାମକୃଷ୍ଣ ପୋଲାଇ ଓ କାର୍ଯ୍ୟରତ ଥିବା ସମସ୍ତ ସଦସ୍ୟଙ୍କୁ ସମ୍ବର୍ଦ୍ଧନା କରି ଫୁଲମାଳ ସହ କାନ୍ଧରେ ଚାଦର ପକେଇ କରତାଲି ସହ ଗ୍ରାମର କାଳୀ ମନ୍ଦିର ଓ ଗଣେଶ ମନ୍ଦିର ନିକଟରେ ପ୍ରାର୍ଥନା ଓ ପୂଜାର୍ଚ୍ଚନା କରିବା ସହ ମନ୍ଦିରକୁ କିଛି ଟଙ୍କା ଦାନ କରିଥିଲେ । ଏଭଳି କାର୍ଯ୍ୟକୁ ବିଭିନ୍ନ ମହଲରେ ପ୍ରସଂଶା କରାଯାଇଛି ।
ରିପୋର୍ଟ-ବିପ୍ଳବ ସେଠୀ