ଭଞ୍ଜନଗର (ସମୃଦ୍ଧ ଓଡିଶା) ତାରସିଂ ଥାନା ନିକଟ କରଡା ବଣି ଛକରେ କାର ଦୁର୍ଘଟଣାରେ ବ୍ରହ୍ମପୁର ଶରଧାବାଲି ସ୍ଥିତ ସମ୍ରାଟ କଲେଜର ମୁଖ୍ୟ ସୂର୍ଯ୍ୟ ନାରାୟଣ ମିଶ୍ର (୩୫)ଙ୍କ ମୃତ୍ୟୁ ଘଟିଛି । ତାଙ୍କ ଘର କୃଷ୍ଣ ଶରଣ ପୁର ବୋଲି ଜଣାପଡିଛି । ଆଜି ସନ୍ଧ୍ୟା ୭ଟା ବେଳେ କୌଣସି କାମରେ ବୌଦ୍ଧରୁ ଶ୍ରୀ ମିଶ୍ର ଡ୍ରାଇଭର ଦିବାକର ଗୌଡ଼ ଓ କର୍ମଚାରୀ ଜୋରେଶ ନାୟକଙ୍କ ସହ କାରରେ ଫେରୁଥିବା ବେଳେ ସେହି ଛକରେ ଥିବା ବୁଲାଣି ରାସ୍ତାରେ ଭାରସାମ୍ୟ ହରାଇ କାରଟି ଡାହାଣ ପଟେ ଥିବା ଏକ ଖାଲରେ ପଶିଯାଇଥିଲା, ଯାହା ଫଳରେ ସାମ୍ନାରେ ବସିଥିବା ଶ୍ରୀ ମିଶ୍ର ଗୁରୁତର ହୋଇଥିଲେ । ଅନ୍ୟ ୨ଜଣ ସାମାନ୍ୟ ଆହତ ହୋଇଥିଲେ । ତାରସିଂ ପୋଲିସ ଘଟଣାସ୍ଥଳରେ ପହଞ୍ଚି ସେମାନଙ୍କୁ ଉଦ୍ଧାର କରି ଭଞ୍ଜନଗର ମେଡିକାଲରେ ଭର୍ତ୍ତି କରିଥିଲେ । ଆସନ୍ତା କାଲି ମୃତଦେହ ବ୍ୟବଚ୍ଛେଦ କରାଯିବ ବୋଲି ସୂଚନା ମିଳିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା