ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ସୁଗୋ ପଂଚାୟତର କାଶିଡିହା ଉଚ୍ଚ ପ୍ରାଥମିକ ବିଦ୍ୟାଳୟରେ ଆୟୋଜିତ ବାର୍ଷିକ ଉତ୍ସବରେ ପ୍ରଧାନ ଶିକ୍ଷୟତ୍ରୀ ସୁଭଦ୍ର ସେନାପତି ପୌରହିତ୍ୟ କରିଥିଲେ । ବିଇଓ ବିଜୟ କୁମାର ନାଥ ମୁଖ୍ୟ ଅତିଥି ଓ ପୂର୍ବତନ ଏବିଇଓ ମୁଖ୍ୟ ବକ୍ତା ଓ ସମ୍ମାନୀତ ଅତିଥି ଅବସରପ୍ରାପ୍ତ ଅଧ୍ୟକ୍ଷ କମଳାକାନ୍ତ ଚନ୍ଦ, ଦିଲିପ ଜବନପୁତ୍ରା, ସମିତି ସଦସ୍ୟ ସଂଜୟ ମହାନ୍ତି, ମାଖନଲାଲ ବେରା, ପ୍ରଫୁଲ୍ଲ ମହାନ୍ତି, ଦୁର୍ଗାପ୍ରସାଦ ରାଜ, କାଳୀଚରଣ ପାତ୍ର, ତ୍ରିଲୋଚନ ବାରିକ, ପ୍ରଣବ କୁମାର ନାୟକ ପ୍ରମୁଖ ଯୋଗ ଦେଇ ମାନବିକ ମୂଲ୍ୟବୋଧ ଓ ଆଧ୍ୟାତ୍ମିକ ଚିନ୍ତାଚେତନା ଶିକ୍ଷା ଅବକ୍ଷୟମୂଖୀ ସମାଜକୁ ରକ୍ଷା କରିପାରିବ ବୋଲି କହିଥିଲେ । ଛାତ୍ର ଶୁଭଙ୍କର ପାତ୍ର, ଛାତ୍ରୀ ସରସ୍ୱତୀ ମହାନ୍ତି ଓ ନଳିନୀ ପ୍ରଧାନ ଅତିଥିମାନଙ୍କୁ ମଂଚ ଆହ୍ୱାନ କରିଥିବା ବେଳେ ଶିକ୍ଷକ ସୁଶାନ୍ତ କୁମାର ଦାସ ବିବରଣୀ ପାଠ ଓ ସୂଚନା ପ୍ରଦାନ କରିଥିଲେ । ମାଳବିକା ଗିରି, ମହେନ୍ଦ୍ର କୁମାରପାତ୍ର, ମଧୁମିତା ଜେନା, ରାଜୀବ ସେନାପତି ମଂଚ ପରିଚାଳନା କରିଥିବା ବେଳେ କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ରିପୋର୍ଟ : ଭୂପତି କୁମାର ପରିଡା