ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନା ଅନ୍ତର୍ଗତ ଖୁଲୁଡା ପଂଚାୟତର ମେଦିନୀପୁର ଗାଁର ପ୍ରଶାନ୍ତ ବେହେରାଙ୍କ ସ୍ତ୍ରୀ ଉତ୍ପଳା(୨୩)ଙ୍କ ମୃତ ଶରୀର କେଶପୁରା ହାଟ ନିକଟରେ ଥିବା ତାଙ୍କ ସ୍ୱାମୀଙ୍କ ଗ୍ରୀନ ଦୋକାନ ଘରୁ ଗତ ମଙ୍ଗଳବାର ଦିନ ଉଦ୍ଧାର ହୋଇଥିଲା । ଘଟଣାରୁ ପ୍ରକାଶ ରାଇବଣିଆ ଥାନା ଅନ୍ତର୍ଗତ ବ୍ରହ୍ମାପୁର ଗାଁର ପୂର୍ଣ୍ଣଚନ୍ଦ୍ର ମହାନ୍ତିଙ୍କ ଝିଅ ଉତ୍ପଳାକୁ ପ୍ରଶାନ୍ତ ୩ବର୍ଷ ପୂର୍ବ ବିବାହ କରିଥିଲେ ଓ ତାର ୧୦ମାସର ଶିଶୁ କନ୍ୟା ରହିଛି । ଏହି ଘଟଶରେ ଜଳେଶ୍ୱର ପୋଲିସ୍ ଶବ ବ୍ୟବଚ୍ଛେଦ ଓ ତଦନ୍ତକୁ ଆଧାର କରି ତାହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଜଳେଶ୍ୱର ଆଇଆଇସି ପ୍ରଦୀପ କୁମାର ମାଝୀ ପ୍ରକାଶ କରିଛନ୍ତି । ହତ୍ୟାକାଣ୍ଡରେ ସଂପୃକ୍ତ ଥିବା ମୁଖ୍ୟ ଅଭିଯୁକ୍ତ ପ୍ରଶାନ୍ତ ବେହେରାକୁ ପୋଲିସ୍ ଗିରଫ କରି ତଦନ୍ତ ଚଳାଇଛି ।
ରିପୋର୍ଟ : ଭୂପତି କୁମାର ପରିଡା