ବ୍ରହ୍ମପୁର (ସମୃଦ୍ଧ ଓଡିଶା) କ୍ରାନ୍ତି ଯୁବଛାତ୍ର ସଂଗଠନ ଓ ନେହେରୁ ଯୁବ କେନ୍ଦ୍ର ପକ୍ଷରୁ ଛତ୍ରପୁର ବ୍ଲକ ସ୍ତରୀୟ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ଉତ୍ସବର ସକାଳ ଉଦଘାଟନୀ ସମାରୋହରେ ଛତ୍ରପୁର ବ୍ଲକ ଚେୟାରମେନ ଧନଞ୍ଜୟ ରେଡି ମୁଖ୍ୟ ଅତିଥି ରୂପେ ଯୋଗଦେଇଥିବା ବେଳେ ସମ୍ମାନନୀୟ ଅତିଥି ଭାବେ ସମାଜସେବୀ ସୀମାଞ୍ଚଳ ନାହାକ ଓ ସୁଧିର ପଟ୍ଟନାୟକ ଯୋଗଦେଇ କ୍ରୀଡା ଉଦଘାଟନୀ ମସାଲ ପ୍ରଜ୍ଜ୍ୱଳନ କରିଥିବା ବେଳେ ସଂଘ ସଭାପତି ଇଜୁ ଆମିନ୍ ଖାନ୍ ସଭା ପରିଚାଳନା କରିଥିଲେ । ଏହି ପ୍ରତିଯୋଗିତାରେ ଖୋ ଖୋ, ଭଲିଭଲ, କବାଡି, ଦୌଡ, ଲମ୍ବ ଡିଆଁ, ଉଚ୍ଚ ଡିଆଁ, ସଟ୍ ଫୁଟ, ଡିସ୍ କୋସ୍, ଟେଗ୍ ଅପ୍ ରୁପ, ପ୍ରଭୃତି ମହିଳା ଓ ପୁରୁଷ ପ୍ରତିଯୋଗିତା ହୋଇଥିଲା । ସଂଧ୍ୟାରେ ପୁରସ୍କାର ବିତରଣି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ଛତ୍ରପୁର ବିଧାୟକ ସୁଭାଷ ଚନ୍ଦ୍ର ବେହେରା ଯୋଗଦେଇଥିବା ବେଳେ ସମ୍ମାନୀୟ ଅତିଥି ଭାବେ ପୂର୍ବତନ ବିଧାୟକ ଅଶୋକ କୁମାର ଚୈଧରୀ, ସମାଜସେବୀ ଭାଗିରଥି ବେହେରା, ବ୍ରହ୍ମପୁର ଟ୍ରକ ଆସସିସୋନ୍ ସଭାପତି ପ୍ରୋମଦ କୁମାର ଜେନା ପ୍ରମୁଖ ଯୋଗ ଦେଇ କ୍ରୀଡ଼ାପ୍ରେମୀ ମାନଙ୍କୁ ପ୍ରେରଣା ଯୋଗାଇ ପୁରାସ୍କାର ବିତରଣ କରିଥିଲେ । ଶେଷରେ ସଂଗଠନର ସଭାପତି ସମସ୍ତ ଅତିଥି ଆଉ ଖେଳାଳି ପିଟି ସାରମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ସମସ୍ତ କ୍ରୀଡାଗୁଡିକୁ ପିଟି ଟିଚର୍ ଅରୁଣ ମାନସିଂ, ପ୍ରକାଶ ପାଣିଗ୍ରାହୀ, ସୁମା ଦାସ, ରଘୁ ରେଡି, ସୁନିତା ପାତ୍ର, ସୁଶାନ୍ତ ନାୟକ, ଚତ୍ରୁଭୂଜ ତ୍ରିପାଠୀ, ପ୍ରମୁଖ ଅଥଲେଟିକ ପ୍ରତିଯୋଗିତାକୁ ପରିଚାଳନା କରିଥିବା ବେଳେ ପ୍ରଦୀପ ନାହାକ, ମହେଶ ଗୈଡ, ରାକେଶ ଆଚାର୍ଯ୍ୟ, ସଂଜୀବ ସ୍ୱାଇଁ, ଜତିରମୟୀ ଶତପଥୀ, ଅମିତ୍ ପୋଲେଇ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
