ପାରଳାଖେମୁଣ୍ଡି (ସମୃଦ୍ଧ ଓଡିଶା) ଆଜି ଅପରାହ୍ନ ସମୟରେ ସ୍ଥାନୀୟ ବଡ଼ରାଧାକାନ୍ତ ମନ୍ଦିର ଝୁଲଣ ବାରଣ୍ଡାରେ ଉପାନ୍ତ ପ୍ରହରୀ ପୁର୍ଣ୍ଣଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ସ୍ୱର୍ଗତ ପ୍ରସନ୍ନ ପଟ୍ଟନାୟକଙ୍କ ସ୍ମୃତି ଚାରଣ ଅନୁଷ୍ଠିତ ହୋଇଯାଇଛି । ଏହି ଅଶ୍ରୁଳ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମରେ ଭକ୍ତରାମ ପଟ୍ଟନାୟକ, ବିଚିତ୍ରାନନ୍ଦ ବେବର୍ତ୍ତା, ଆରକ୍ଷିତ ପାତ୍ର, ବିନୋଦଚନ୍ଦ୍ର ଜେନା, ଦୁର୍ଗା ପ୍ରାସଦ ପଟ୍ଟନାୟକ, ତ୍ରିପତି ପ୍ରସାଦ ପଣ୍ଡା, ଜଗଦିଶ ମହାପାତ୍ର ପ୍ରଭୃତି ଯୋଗଦାନ କରି ସ୍ୱର୍ଗତ ପ୍ରସନ୍ନ ପଟ୍ଟନାୟକଙ୍କ ବହୁମୁଖୀ ପ୍ରତିଭାର ସ୍ମୃତି ଚାରଣ କରିଥିଲେ । ସ୍ୱର୍ଗତ ପଟ୍ଟନାୟକ ଥିଲେ ଜଣେ ପ୍ରାକ୍ତନ ଦକ୍ଷ ଅଗ୍ନିଶମ ଅଧିକାରୀ ତଥା ଜଣେ ସାରସ୍ୱତ ଓ ସଂସ୍କୃତି ପ୍ରେମୀ । ତାଙ୍କର ଦେହାନ୍ତରେ ପାରଳା ତଥା ଗଜପତି ବାସୀ ଏକ ବିରଳ ବ୍ୟକ୍ତିତ୍ୱଙ୍କୁ ସବୁଦିନ ପାଇଁ ହରାଇଲେ ବୋଲି ମତ ପ୍ରକାଶ କରାଯାଇଥିବା ଜଣାପଡିଛି ।
ରିପୋର୍ଟ : କୃଷ୍ଣ କୁମାର ବେହେରା