ବ୍ରହ୍ମପୁର (ସମୃଦ୍ଧ ଓଡିଶା) ତରାତାରିଣୀ ପିଠରେ ଗଞ୍ଜାମ ଓ ଗଜପତି ଜିଲ୍ଲା ସମବାୟବିତ ସମ୍ମିଳନୀ ଗତ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି l ଏଥିରେ ସର୍ବ ସମ୍ମତି କ୍ରମେ ଏକ କମିଟି ଗଠନ କରି ବିଭିନ୍ନ ପଦ ପଦବୀ ଚୟନ କରାଯାଇଥିଲା l ଏହି କମିଟି ଗଞ୍ଜାମ ଜିଲ୍ଲା ବିଜୁ ଜନତା ଦଳର ସଭାପତି ଡଃ. ରମେଶ ଚନ୍ଦ୍ର ଚ୍ୟାଉ ପଟ୍ଟନାୟକଙ୍କୁ ଭେଟିଥିଲେ ଏବଂ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ପଟ୍ଟନାୟକ ନବ ନିଯୁକ୍ତଙ୍କୁ ସମ୍ବର୍ଦ୍ଧନା ଜ୍ଞାପନ କରିଥିଲେ l ଗଞ୍ଜାମ ଓ ଗଜପତି ଜିଲ୍ଲା ଅଧିନସ୍ତ ସମସ୍ତ ସମବାୟ ସମିତି କିପରି ଅର୍ଥନୀତିକ ଉନ୍ନତି ଓ ସମସ୍ତ ଗ୍ରାମାଞ୍ଚଳରେ ଏକ ନୂତନ ଦିଗ ପ୍ରସାର ଉପରେ ସମବାୟବିତମାନେ ଗୁରୁତ୍ଵ ଦିଅନ୍ତୁ l ଯାହା ଫଳରେ ରାଜ୍ୟରେ ଅର୍ଥନୈତିକ ଅଭିବୃଦ୍ଧି ହୋଇପାରିବ ଧ୍ୟାନ ଦିଆଯାଉ ଏବଂ ସାଧାରଣ ଲୋକଙ୍କ ସହ ଚାଷୀମାନଙ୍କ ଆର୍ଥିକ ଓ ସାମାଜିକ ସ୍ଥିତି ଶୃଦୃଢ଼ କରି ମୁଖ୍ୟମନ୍ତ୍ରୀଙ୍କ ଆହ୍ଵାନକୁ ସଫଳ କରନ୍ତୁ ବୋଲି ଜିଲ୍ଲା ବିଜେଡି ସଭାପତି ସମବାୟବିତର ପଦ ପଦବୀଙ୍କୁ ଗୁରୁ ମନ୍ତ୍ର ପ୍ରଦାନ କରିଥିଲେ l ପରେ ପରେ କମିଟି ବୃନ୍ଦ ଜିଲ୍ଲା କାର୍ଯ୍ୟକାରିଣୀ ସଦସ୍ୟ ହିମାଂଶୁ ପାଢିଙ୍କ ଅକାଳ ବିୟୋଗରେ ତାଙ୍କ ପରିବାରକୁ ଭେଟି ସମବେଦନା ଜ୍ଞାପନ କରିଥିଲେ l ପରିଶେଷରେ ପୂର୍ବତନ ବ୍ଳକ ସଭାପତି ତଥା ବିଜେଡି ନେତା ସନ୍ୟାସୀ ଜେନାଙ୍କ ପିତା ବିଜୁଳି ଜେନାଙ୍କ ଅକାଳ ବିୟୋଗରେ ତାଙ୍କ ପରିବାରକୁ ସମବେଦନା ଜଣାଇଥିଲେ l ଏହି କାର୍ଯ୍ୟକ୍ରମରେ ଗଞ୍ଜାମ ଓ ଗଜପତି ଜିଲ୍ଲାର ସମବାୟବିତ କମିଟିର ସଭାପତି ସୂର୍ଯ୍ୟ କାନ୍ତ ପରିଡା, ଉପସଭାପତି କୈଳାଶ ରଣା, ସାଧାରଣ ସମ୍ପାଦକ ସନାତନ ସଂଗ୍ରାମ ସିଂ, ଉପଦେଷ୍ଟା ସିମାଞ୍ଚଳ ପାଢି, ସାଧାରଣ ସମ୍ପାଦକ ଅଜୟ ମହାରଣା, ମସିହାଖାଲି ଗ୍ରାମର ପୂର୍ବତନ ସମିତି ସଭ୍ୟ ନୃସିଂହ ସାହୁ ପ୍ରମୁଖ ଉପସ୍ଥିତ ରହିଥିଲେ l
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା