ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ଥାନା ଅନ୍ତର୍ଗତ ସୁବର୍ଣ୍ଣରେଖା ନଦୀର ମହୁଲିଆ ନିକଟରେ ଆଜି ସକାଳ ଜଣେ ୫୫ ବର୍ଷ ବୟସ୍କ ବ୍ୟକ୍ତିର ଶୋଳନୀୟ ମୃତ୍ୟୁ ଘଟିଛି । ଘଟଣାରୁ ପ୍ରକାଶ ଶିଖରପୁର ପଂଚାୟତର ଚକହରି ଗ୍ରାମର ପ୍ରତାପ ସାମଲ(୫୫) ଆଜି ନଦୀକୁ ଗାଧୋଇବାକୁ ଯାଇଥିବା ବେଳେ ଚୋରା ବାଲିରେ ପଡିଯାଇଥିଲା । ସଂପୃକ୍ତ ଅଂଚଳଟି ବର୍ତ୍ତମାନ ବାଲିମାଫିଆଙ୍କ ଭୂସର୍ଗ ପାଲଟିଥିବାରୁ ବେନିୟମ ଭାବେ ମେସିନ୍ ସାହାଯ୍ୟ ନଦୀର ପଠାର ବହୁ ଗଭୀରରୁ ବାଲି ଉତ୍ତୋଳନ କରଯାଇ ମାଲେମାଲ ହେଉଛନ୍ତି । ମାତ୍ର ଉକ୍ତ ଅଂଚଳଦେଇ କୌଣସି ବ୍ୟକ୍ତି ଗଲାବେଳେ ପାଣି ନଥାଇ ମଧ୍ୟ ଚୋରାବାଲିରେ ପଡି ମୃତ୍ୟୁ ବରଣ କରୁଛନ୍ତି । ସକାଳ ୮ଟାରେ ଏହି ଘଟଣା ଘଟିଥିଲେ ମଧ୍ୟ ତାଙ୍କର ମୃତଶରୀରକୁ ଦୀର୍ଘ ସମୟ ଖୋଜାଖୋଜି କଲାପରେ ଦମକଳ ବାହିନୀ ଓ ଏନ୍ଡିଆର୍ଏଫ ଟିମ୍ ପ୍ରାୟ ୪ଟା ସମୟରେ ଉକ୍ତ ମୃତଦେହକୁ ଠାକ କରିବାରେ ସକ୍ଷମ ହୋଇଥିଲା । ସ୍ଥାନୀୟ ପୋଲିସ୍ ଘଟଣାସ୍ଥଳରେ ପହଞ୍ଚି ଶବକୁ ଜବତ୍ କରି ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ପୋଷ୍ଟମଟମ୍ କରିବାରେ ବ୍ୟବସ୍ଥା କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା