ଛତ୍ରପୁର (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେଙ୍କ ମହାରାଷ୍ଟ୍ରର ଛାତ୍ରଛାତ୍ରୀମାନେ ସ୍ଥାନୀୟ ଡ଼ିଆରଡ଼ିଏ କାର୍ଯ୍ୟାଳୟ ପରିସରରେ ସେମାନଙ୍କ ପୂର୍ବତନ ବନ୍ଧୁ ଜିଲ୍ଲାପାଳ ଶ୍ରୀ କୁଲାଙ୍ଗେଙ୍କୁ ଭେଟିଛନ୍ତି । ଗଞ୍ଜାମ ଜିଲ୍ଲାପାଳ ତାଙ୍କ ଅଞ୍ଚଳର ଏହି ଛାତ୍ରଛାତ୍ରୀମାନଙ୍କୁ ଦେଖି ବେଶ ଖୁସି ହୋଇଥିଲେ । ପୂର୍ବରୁ ଜିଲ୍ଲାପାଳ ଯେତେବେଳେ ମହାରାଷ୍ଟ୍ର ଅଞ୍ଚଳରେ ଶିକ୍ଷା ବିଭାଗରେ କାର୍ଯ୍ୟ କରୁଥିଲେ । ଏହି ଛାତ୍ରଛାତ୍ରୀମାନେ ତାଙ୍କ ପାଖରେ ପାଠ ପଢୁଥିଲେ ବୋଲି ଜଣାପଡିଛି । ତେବେ ଏହି ଛାତ୍ରଛାତ୍ରୀମାନେ ବର୍ତ୍ତମାନ ସିଭିଲ୍ ସର୍ଭିସ୍ କୋଚିଂ ନେଉଥିବାର ଜଣାପଡ଼ିଛି । ଗୁରୁବ୍ରହ୍ମା, ଗୁରୁବିଷ୍ଣୁ, ଗୁରୁଦେବ ମହେଶ୍ୱର, ଗୁରୁ ସାକ୍ଷତ ପରମବ୍ରହ୍ମ ତସମୈଶ୍ରୀ ଗୁରୁବେ ନମଃ । ଗୁରୁ ସଦାସର୍ବଦା ଶ୍ରେଷ୍ଠ ଏହା ଯୁଗେ ଯୁଗେ ପ୍ରମାଣିତ ହୋଇଆସିଛି । ବର୍ତ୍ତମାନ ଏହାର ଜ୍ଵଳନ୍ତ ଉଦାହରଣ ଛତ୍ରପୁରରେ ଦେଖିବାକୁ ମିଳିଛି । ମୁମ୍ବାଇର ୧୦ ଜଣ ଛାତ୍ରଛାତ୍ରୀ ସେମାନଙ୍କ ଗୁରୁଙ୍କୁ ଭେଟିବା ଲାଗି ଛତ୍ରପୁରରେ ପହଞ୍ଚିଛନ୍ତି । ଶେଷରେ ଗୁରୁ ଓ ଶିଷ୍ୟଙ୍କ ମିଳନ ହୋଇଛି । ଏହି ଛାତ୍ରଛାତ୍ରୀଙ୍କ ଗୁରୁ ହେଉଛନ୍ତି ଛତ୍ରପୁର ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ । ଏହି ଅବସରରେ ଛାତ୍ରଛାତ୍ରୀମାନେ ବର୍ତ୍ତମାନ ସିଭିଲ୍ ସର୍ଭିସ୍ କୋଚିଂ ନେଉଥିବାରୁ ତାଙ୍କ ଠାରୁ କିଛି ଗୁରୁମନ୍ତ୍ର ଜାଣିବାକୁ ଚାହିଁଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା