ରାୟଗଡ଼ା(ସମୃଦ୍ଧ ଓଡିଶା)ଚଳିତ ଖରିଫ ଧାନକିଣାରେ ଉପୁଜୁଥିବା ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିବା ଦିଗରେ ଜିଲ୍ଲାପାଳ ପ୍ରମୋଦ କୁମାର ବେହେରାଙ୍କ ଅଧ୍ୟକ୍ଷତାରେ ଏକ ଜିଲ୍ଲାସ୍ତରୀୟ ବୈଠକ ସ୍ଥାନୀୟ ଗ୍ରାମ୍ୟ ଉନ୍ନୟନ ବିଭାଗ ସମ୍ବିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ଦୀର୍ଘଦିନ ଧରି ମଣ୍ଡିରେ ପଡ଼ି ରହିଥିବା ଧାନ କିପରି କ୍ରିୟ ହୋଇପାରିବ, ଟୋକନ୍ ପାଇ ନ ଥିବା କିମ୍ବା ଟୋକନ୍ ଲାପସ୍ ହୋଇଯାଇଥିବା ଚାଷୀମାନେ କିପରି ନିଜ ଧାନକୁ ମଣ୍ଡିରେ ବିକ୍ରି କରିପାରିବେ ଓ ମିଲର୍ସଙ୍କ ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା । ସେହିପରି କିଛି ଚାଷୀ ପଞ୍ଜିକରଣରୁ ବଞ୍ଚିତ ହୋଇଥିବାରୁ ସେ ବାଧ୍ୟହୋଇ ନିଜ ଧାନ ଦଲାଲ ଓ ମିଲର୍ସଙ୍କୁ ସିଧାସଳଖ କମ ଦରରେ ବିକ୍ରି କରିବାକୁ ବାଧ୍ଯ ହେଉଛନ୍ତି ବୋଲି ଜିଲ୍ଲାପାଳଙ୍କୁ ଅଭିଯୋଗ କରିଥିଲେ । ଚଳିତ ଥର ଏହି ରାୟଗଡା ଜିଲ୍ଲାରେ ସର୍ବମୋଟ ୧୧,୯୬,୯୨୬.୮୭ କୁଇଁଣ୍ଟାଲ ଲକ୍ଷ୍ୟ ଧାର୍ଯ୍ୟ କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୧୧,୧୫,୪୨୧.୫୦ କୁଇଁଣ୍ଟାଲ ଧାନ ସଂଗ୍ରହ କରାଯାଇଥିବା ସୂଚନା ଦିଆଯାଇଛି । ଏହି ବୈଠକରେ ସ୍ଥାନୀୟ ବିଧାୟକ ମକରନ୍ଦ ମୁଦୁଲି, ଉପଜିଲ୍ଲାପାଳ ପ୍ରତାପ ଚନ୍ଦ୍ର ପ୍ରଧାନ, ଜିଲ୍ଲା ଯୋଗାଣ ଅଧିକାରୀ ବ୍ରଜେନ୍ଦ୍ର କୁମାର ନାୟକ, ଜିଲ୍ଲାର ବିଭିନ୍ନ ଲେମ୍ପସର ପରିଚାଳକ, ଧାନ କିଣାରେ ଅଂଶଗ୍ରହଣ କରୁଥିବା ଜିଲ୍ଲାର ବିଭିନ୍ନ ମିଲର୍ସ ଓ ଜିଲ୍ଲାର ବିଭିନ୍ନ ବ୍ଲକ ଓ ପଞ୍ଚାୟତରୁ ଆସିଥିବା ଚାଷୀ ମାନେ ଉପସ୍ଥିତ ଥିଲେ ।
ରିପୋର୍ଟ : ତୁଷାର ରଞ୍ଜନ ସାହୁ
