ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ପୋଲିସ ଚୋରା ଚାଲାଣ ବେଳେ ଗଞ୍ଜେଇ ଜବତ କରିବା ସହ ଏଥିରେ ସମ୍ପୃକ୍ତ ଅଭିଯୋଗରେ ଜଣଙ୍କୁ ଗିରଫ କରିଥିବା ସୂଚନା ମିଳିଛି । ସୂଚନା ଅନୁଯାୟୀ ଗିରଫ ହୋଇଥିବା ବ୍ୟକ୍ତି ଜଣକ ହେଲେ ଗୋଳନ୍ଥରା ଥାନା ମିଲ୍ କତୁରୁ ଗଁ।ର ବି ସନ୍ତୋଷ ପାତ୍ର ଓରଫ ବୁଚି ପାତ୍ର । ତା ଠାରୁ ଏକ ଗଞ୍ଜେଇ ଭର୍ତ୍ତି ବ୍ୟାଗ ଜବତ କରିଥିଲେ । ସେଥିରେ ୨୨ କେଜି ଗଞ୍ଜେଇ ରହିଥିଲା । ଗୁରୁବାର ରାତିରେ ପୁତ୍ତିଗୋପାଳପୁର ଠାରୁ ବସ ଯୋଗେ ଛତ୍ରପୁର ଗ୍ରୀଡ ଛକ ନିକଟରେ ସନ୍ତୋଷ ଓହ୍ଲାଇଥିଲେ । ହାତରେ ଏକ ବ୍ୟାଗଧରି ସେ ଚାଲିଚାଲି ଯାଉଥିବା ବେଳେ ପୋଲିସ ଅଟକାଇ ତଲାସି କରି ଗଞ୍ଜେଇ ଜବତ କରିଥିଲା । ଏହାପରେ ନଂ.୨୪୪/୧୯ରେ ଏକ ମାମଲା ରୁଜୁ କରାଯାଇଥିବା ଜଣାପଡିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା