ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ଶିଖରପୁର ପଞ୍ଚାୟତର ବଜାରଶୋଳ ଗାଁରେ ଏକ ସରକାରୀ ଜାଗାରେ ନୂତନ ଘର ନିର୍ମାଣ କରି ବ୍ୟାପକ ଚୋରାମଦ କାରବାର କରୁଥିବା ଫଗୁ ହାଁସଦାର କାର୍ଯ୍ୟ ସଂପର୍କରେ ଗ୍ରାମବାସୀ ବାରମ୍ବାର ଅଭିଯୋଗ କରି ଆସୁଥିଲେ । ବିଭିନ୍ନ ସ୍ଥାନରୁ ଚୋରାମଦ ଆଣି ଫଗୁ ବ୍ୟବସାୟ କରୁଥିବାର ଗ୍ରାମବାସୀ କର୍ତ୍ତୃପକ୍ଷଙ୍କୁ ଜଣାଇ ଆସୁଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ହେଉନଥିଲା । ପ୍ରକାଶଯୋଗ୍ୟ ଫଗୁ ହାଁସଦାର ଘର କୁଣ୍ଡଳିଚକ ଗାଁ ହୋଇଥିବା ବେଳେ ଏବେ ସେ ବଜାରଶୋଳରେ ଘର କରି ନିଜ ମାଦକଦ୍ରବ୍ୟ ବ୍ୟବସାୟକୁ ବଢାଇ ଚାଲିଥିବା ଅଭିଯୋଗ ହୋଇଥିଲା । ଶେଷରେ ପରିସ୍ଥିତି ଅଧିକ ଜଟିଳ ହେବାରୁ ଗ୍ରାମବାସୀମାନେ ମାନେ ଏକତ୍ରୀତ ହୋଇଥିଲେ । ୱାର୍ଡ ସଦସ୍ୟ ନିତ୍ୟାନନ୍ଦ ଘୋଷ, ଗ୍ରାମ୍ୟ ମୁଖ୍ୟ ଭବସଶଙ୍କର ପ୍ରଧାନଙ୍କ ନେତୃତ୍ୱରେ ଗ୍ରାମବାସୀ ଫଗୁ ହାଁସଦା ଘର ଚଡାଉ କରି ଏକ ଟ୍ୟୁବରେ ଥିବା ୫୦ଲିଟର ମଦ ଜବତ୍ କରିଥିଲେ । ତା ଘରେ ବହୁ ମଦ ସରଞ୍ଜାମ ରହିଥିବା ଜଣାଯାଇଛି । ଗ୍ରାମବାସୀମାନେ ଏହି ମଦକୁ ନେଇ ଗାଁକୁ ଲାଗିଥିବା ସୁବର୍ଣ୍ଣରେଖା ନଦୀରେ ଢାଳିଥିବା ପ୍ରକାଶ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା