ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ଉପକଣ୍ଠ ସ୍ଥାନୀୟ ଶାନ୍ତିନଗର ସ୍ପୋଟିଂ କ୍ଲବ ପକ୍ଷରୁ ଭଲିବଲ ଟୂର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଏହି ଟୂର୍ଣ୍ଣାମେଣ୍ଟକୁ ଯୁବ ଆଇନଜିବୀ ଡି. ଆଦିନାରାୟଣ ରେଡ୍ଡୀ ଓ ଚିକଲଖଣ୍ଡି ନାଏବ ସରପଞ୍ଚ ଟି.ନାରାୟଣ ଯୋଗଦେଇ ଉଦଘାଟନ କରିଛନ୍ତି । ଉଦଘାଟନୀ ଦିବସର ପ୍ରଥମ ମ୍ୟାଚରେ ବିରିପୁର ସିକ୍ସ ସହ କରାପଲ୍ଲୀ ସିକ୍ସ ମଧ୍ୟରେ ମୁକାବିଲା ହୋଇଥିବା ବେଳେ କରାପଲ୍ଲୀ ବିଜୟୀ ଲାଭ କରିଥିଲା । ଦ୍ୱିତୀୟ ମ୍ୟାଚ ଛତ୍ରପୁର ଷ୍ଟେସନ ରୋଡ ସିକ୍ସ ସହ କନିଷି ସିକ୍ସ ମଧ୍ୟରେ ମୁକାବିଲା ହୋଇଥିଲା । ଏଥିରେ କନିଷି ସିକ୍ସ ବିଜୟୀ ଲାଭ କରିଥଲା । ଦୁଇଟି ମ୍ୟାଚକୁ ଅମ୍ପାୟର ଭାବେ ଗୋବିନ୍ଦ ନାୟକ ପରିଚାଳନା କରିଥିବା ବେଳେ ସ୍କୋର ଭାବେ ସଂଗ୍ରାମ ପଲାଇ ଓ ଭାଷ୍ୟକାର ଭାବେ ଟି.ନାରାୟଣ ପରିଚାଳନା କରିଥିଲେ । ଏହି ଟୂର୍ଣ୍ଣାମେଣ୍ଟ ୧୧ ଦିନ ବ୍ୟାପି ଚାଲିବ । ଏଥିରେ ଗଂଜାମ ଜିଲ୍ଲାର ୧୬ ଟି ଦଳ ଅଂଶ ଗ୍ରହଣ କରିବେ । ସମସ୍ତ କାର୍ଯ୍ୟକ୍ରମକୁ ଶାନ୍ତିନଗର ସ୍ପୋଟିଂ କ୍ଲବର କର୍ମକର୍ତ୍ତାମାନେ ପରିଚାଳନାରେ ସହଯୋଗ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
