ଜଗନ୍ନାଥପ୍ରସାଦ (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲାର ଜଗନ୍ନାଥପ୍ରସାଦ ଥାନା ଅନ୍ତର୍ଗତ ଜଗନ୍ନାଥ ପୁର ସାସନ ଗ୍ରାମର ସନ୍ତୋଷ ମିଶ୍ରଙ୍କ ଗତ ଶୁକ୍ରବାର ରାତ୍ରୀରେ ହିରୋ ଗ୍ଲାମର ବାଇକ୍ ଓଡି୩୨ସି୫୦୦୧ ସିଲଭର ରଙ୍ଗର ଚୋରି ହୋଇଯାଇଛି । ସବୁ ଦିନ ଭଳି ଶୁକ୍ରବାର ରାତିରେ ବାଇକକୁ ଘର ସାମ୍ନାରେ ରଖି ସୋଇ ଯାଇଥିଲେ । ସକାଳୁ ଉଠି ଦେଖନ୍ତି ତ ଗାଡି ନାହିଁ । ଗ୍ରାମ ବାସିନ୍ଦାଙ୍କୁ ପଚାରିବା ସହ ଗ୍ରାମବାସୀଙ୍କ ସହଯୋଗରେ ଖୋଜା ଯାଇଥିଲା । କିନ୍ତୁ ଗାଡି ପାଇ ନ ଥିଲେ । ଶେଷରେ ଜଗନ୍ନାଥ ପ୍ରସାଦ ଥାନାରେ ଲିଖିତ ଅଭିଯୋଗ କରିଥିଲେ । ଉଲ୍ଲେଖ ଥାଉକି ସନ୍ତୋଷ ମିଶ୍ର ଜଣେ ବହୁତ ଗରିବ ଶ୍ରେଣୀର ବ୍ୟକ୍ତି । ଘର ଘର ବୁଲି ଠାକୁର ପୂଜା କରି ପେଟ ପୋସନ୍ତି । ବହୁତ କଷ୍ଟରେ ଗାଡି ଟିଏ କରିଥିଲେ । ଏହି ଖବର ପାଇବା ପରେ ସ୍ବେଚ୍ଛାସେବୀ ସତ୍ୟ ସୋବନ ରଥ ସନ୍ତୋଷ ମିଶ୍ରଙ୍କ ଘରକୁ ଯାଇ ସାନ୍ତ୍ବନା ଦେବା ସହ ଏହାର ଉଚ୍ଚସ୍ତରୀୟ ତଦନ୍ତ କରି ଗରିବ ବ୍ୟକ୍ତିଙ୍କ କଷ୍ଟ ଉପାର୍ଜିତ ଗାଡି ଫେରାଇ ଦେବା ପାଇଁ ଦାବି କରିଛନ୍ତି ।
ରିପୋର୍ଟ – ନିଲୁ ବିଷୋୟୀ
