ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ଜମାଲପୁର ସରକାରି ପ୍ରାଥମିକ ବିଦ୍ୟାଳୟରେ ମା ସରସ୍ଵତୀ ପୂଜା ଅବସରରେ ଚଳିତ ୨୦୧୯ ବର୍ଷର ବାର୍ଷିକ ଉତ୍ସବ ମହା ଆଡମ୍ବରରେ ପାଳିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ଭାବେ ବିଶ୍ୱନାଥ ଏକାଡେମୀ ର ଅବସରପ୍ରାପ୍ତ ପ୍ରଧାନ ଶିକ୍ଷକ ପଞ୍ଚାନନ ଦାସ, ମୁଖ୍ୟ ବକ୍ତାଭାବେ ଅବସରପ୍ରାପ୍ତ ଶିକ୍ଷକ ଖଗେନ୍ଦ୍ର ନାଥ ସାହୁ, ସମ୍ମାନିତ ଅତିଥିଭାବେ ରା ରା ପୁର ଗ୍ରାମ ପଞ୍ଚାୟତର ସରପଞ୍ଚ ଶୁଭସ୍ମିତା ଦାସ, ନିର୍ମଳ ଚନ୍ଦ୍ର ଦାସ, ରଞ୍ଜନ କୁମାର ପରିଡ଼ା ଉପସ୍ଥିତ ହୋଇ ଛାତ୍ର ଛାତ୍ରୀମାନଙ୍କୁ ଭବିଷ୍ୟତ କୁ ଭଲ ମଣିଷ ହେବାକୁ କହିଥିଲେ, ଉକ୍ତ ଉତ୍ସବରେ ଏସ.ଏମ.ସି.ର ଚେଆରମ୍ୟାନ ଆଇନଜୀବି ବିନୋଦ କୁମାର ଗିରି ସଭାପତିତ୍ୱ କରିଥିବାବେଳେ ମଞ୍ଚ ଆହ୍ୱାନ ଓ ଅତିଥି ପରିଚୟ ବିଦ୍ୟାଳୟର ସହକାରୀ ଶିକ୍ଷକ ସଂଯୋକ୍ତା ଶାସମାଲ କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକୟତ୍ରୀ କବିତା ମହାନ୍ତି ବିବରଣୀ ପାଠ ଓ କନିଷ୍ଠ ଶିକ୍ଷୟତ୍ରୀ ଜ୍ୟୋତିଶିଖା ଜେନା ଧନ୍ୟବାଦ ଅର୍ପଣ କରିଥିଲେ । ମଞ୍ଚରେ ଛୋଟ ଛୋଟ ଶିଖଣିୟ ନାଟକ ଛାତ୍ର ଛାତ୍ରୀଙ୍କ ଦ୍ୱାରା ଅନୁଷ୍ଠିତ ହୋଇଥିଲା । ଶେଷରେ ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ୱାରା ବିଭିନ୍ନ ପ୍ରକାର ପ୍ରତିଯୋଗିତା କରାଯାଇ କୃତ୍ତି ଛାତ୍ର ଛାତ୍ରୀଙ୍କୁ ଅତିଥିମାନଙ୍କ ଦ୍ୱାରା ପୁରସ୍କାର ବିତରଣ କରା ଯାଇଥିଲା । ଉତ୍ସବରେ ପ୍ରାୟ ୩ ଶହରୁ ଉର୍ଦ୍ଧ ଅଭିଭାବକ ଓ ଜନସାଧାରଣ ଯୋଗ ଦେଇଥିଲେ ।
ରିପୋର୍ଟ : ଭୂପତି କୁମାର ପରିଡ଼ା