ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଳକ ଅନ୍ତର୍ଗତ ଜମାଳପୁର ଜନ ସ୍ୱାସ୍ଥ୍ୟ କେନ୍ଦ୍ରରେ ଆଜି ପୂର୍ବାହ୍ନରେ ପୃଥିବୀର କରୋନା ଭୁତାଣୁ ସଂକ୍ରମଣକୁ ଏଡାଇବା ପାଇଁ ଏକ ସଚେତନତା ଶିବିର ଡାକ୍ତର ପ୍ରକାଶ କୁମାର ଦତ୍ତ ଓ ମହିଳା ସ୍ୱାସ୍ଥ୍ୟକର୍ମୀ ବନତୀ ଟୁଡୁଙ୍କ ତତ୍ତ୍ୱାବଧାନରେ ଅନୁଷ୍ଠିତ ହୋଇଯାଇଛି । ଏଥିରେ ରା.ରା.ପୁର କୋଟସାହି ଗ୍ରାମପଂଚାୟତର ସମସ୍ତ ଅଙ୍ଗନୱାଡି କର୍ମୀ ଓ ଆଶା କର୍ମୀମାନେ ଉପସ୍ଥିତ ଥିଲେ । ଡାକ୍ତର ଦତ୍ତ କିପରି ଭାବେ ଆଶାକର୍ମୀ ଓ ଅଙ୍ଗନୱାଡି କର୍ମୀମାନେ ଗ୍ରାମରେ ଥିବା ଲୋକଙ୍କୁ ବହୁଳ ଭାବେ ସଚେତନ କରି ସମସ୍ତ ଘରୁ ବାହାରିବାକୁ ନ ଦେବା, ସମସ୍ତେ ମୁହଁରେ ମାକ୍ସ ପିନ୍ଧିବା, ସାବୁନରେ ବାରମ୍ବାର ହାତ ଧୋଇବା ଇତ୍ୟାଦି ପାଇଁ କହିବେ ସେ ସମ୍ପର୍କରେ ସୂଚନା ଦେଇଥିଲେ । ଅନ୍ୟମାନଙ୍କ ମଧ୍ୟରେ ସବିତା ପରିଡା, କାଞ୍ଚନ ପରିଡା, କିରଣବାଳା ନାଥ ଓ କବିତା ନନ୍ଦୀ ପ୍ରମୁଖ ବକ୍ତବ୍ୟ ରଖିଥିଲେ ।
ରିପୋର୍ଟ : ଭୂପତି କୁମାର ପରିଡା