ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ରାୟାଁରାମଚନ୍ଦ୍ରପୁର ପଂଚାୟତର ଅବସ୍ଥିତ ସବପୁରାତନ ଜମାଳପୁର ସରକାରୀ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଆଇନଜୀବୀ ବିନୋଦ କୁମାର ଗିରିଙ୍କ ପୌରହିତ୍ୱରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥିରୂପେ ଓଷ୍ଟାର ପୂର୍ବତନ ସଂପାଦକ ଶାଶଙ୍କ ଶେଖର ମହାନ୍ତି, ସମ୍ମାନୀତ ଅତିଥିରୂପେ ସିଆରସିସି ସୁଧିର କୁମାର କର, ଜିଲାପରିଷଦ ସଭ୍ୟ ସାବିତ୍ରୀ ଦାସ, ସମିତି ସଭ୍ୟା ସଂଚିତା ସେନାପତି ଓ ମୁଖ୍ୟବକ୍ତା ରୂପେ ଶିକ୍ଷକ ନେତା ଖଗେନ୍ଦ୍ର ନାଥ ସାହୁ ଯୋଗ ଦେଇ ଶିକ୍ଷକ, ଶିକ୍ଷୟତ୍ରୀମାନେ ମଣିଷ ତିଆରୀ କାରଖାନାରେ ଛାତ୍ରଛାତ୍ରୀମାନଙ୍କୁ ସୁନାଗରିକ ରୂପେ ଗଢି ତୋଳିବା ପାଇଁ ସଂକଳ୍ପ ନେବାପାଇଁ ପରାମର୍ଶ ଦେଇଥିଲେ । ପ୍ରଧାନ ଶିକ୍ଷୟତ୍ରୀ କବିତା ମହାନ୍ତି ଅତିଥି ପରିଚୟ କରିଥିବା ବେଳେ ଶିକ୍ଷୟତ୍ରୀ ସଂଯୁକ୍ତା ସାଶମଲ ବିବରଣୀ ପାଠ କରିଥିଲେ । ଶେଷରେ ଜ୍ୟେତିଶିକ୍ଷା ଜେନା ଧନ୍ୟବାଦ ପ୍ରଦାନ କରିଥିଲେ । ଶିକ୍ଷକ ଲକ୍ଷ୍ମୀଧର ମଣ୍ଡଳଙ୍କ ସହଯୋଗିତାରେ ଛାତ୍ରଛାତ୍ରୀମାନେ ନାଟକ ଟିକିଏ ଭୁଲ ପରିବେଷଣ କରାଯିବା ସଂଗେ ସଂଗେ କୃତି ଛାତ୍ରଛାତ୍ରୀମାନଙ୍କୁ ପୁରସ୍କୃତ କରାଯାଇଥିଲା ।
ରିପୋର୍ଟ : ଭୂପତି କୁମାର ପରିଡା