ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକର ଓଷ୍ଟା ମଣ୍ଡଳର ସମ୍ପାଦକ ମନୋରଂଜନ ଦାସ ଜିଲା ସଂପାଦକଭାବେ ନିର୍ବାଚିତ ହୋଇଥିବାରୁ ଉକ୍ତ ପଦବୀ ନିମନ୍ତେ ଏକ ବୈଠକ ଜଳେଶ୍ୱର ଉଚ୍ଚ ନୋଡାଲ ବିଦ୍ୟାଳୟକୁ ଆହୁତ ହୋଇଥିଲା । ଏଥିରେ ଓଷ୍ଟା ମଣ୍ଡଳର ସଭାପତି ସୁନିଲ କୁମାର ନାୟକ ଅଧ୍ୟକ୍ଷତା କରିଥିଲେ । ସମସ୍ତ କାର୍ଯ୍ୟକାରୀ ସଦସ୍ୟ ଏଥିରେ ଯୋଗ ଦେଇଥିବାରୁ ବିଦାୟୀ ସମ୍ପାଦକଙ୍କ ସ୍ଥାନରେ ଜଣକୁ ମନୋନୀତ କରିବାଲାଗି ସର୍ବସମ୍ମତ ସିଦ୍ଧାନ୍ତ ନିଆଯାଇଥିଲା । ତେଣୁ ବରିଷ୍ଠ ତଥା ଦକ୍ଷତା ଭିତ୍ତିରେ ଶିକ୍ଷକ ଅଜିତ୍ କୁମାର ମହାନ୍ତିଙ୍କୁ ମନୋନୀତ କରିବାଲାଗି ପ୍ରସ୍ତାବ ଆଗତ ହୋଇଥିଲା । ଏହା ସର୍ବସମ୍ମତକ୍ରମେ ସ୍ଥିର ହେବାରୁ ସେ ମନୋନୀତ ହେବାପରେ ତାଙ୍କୁ ଓ ଜିଲା ସମ୍ପାଦକଙ୍କୁ ଜଳେଶ୍ୱର ମଣ୍ଡଳ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଏଥିରେ କାର୍ଯ୍ୟକାରୀ କମିଟିର କେଶବ ଚନ୍ଦ୍ର ପରିଡା, ମୂରଲୀ ମୋହନ ପ୍ରଧାନ, ମନୋରଂଜନ ଦାସ, କୁଞ୍ଜବିହାରୀ ପ୍ରଧାନ, ସତ୍ୟବ୍ରତ ଶତପଥି, ବିନୋଦ ବିହାରୀ ମହାପାତ୍ର, ସରୋଜ କୁମାର ପାଣିଗ୍ରାହୀ, ପଂଚାନନ ସାହୁ, ଅନଦୀ ଚରଣ ବେହେରା, ବନ୍ଦିତା ମହାପାତ୍ର, ପ୍ରାଣକ୍ରୃ୍ଣ୍ଣ ଗିରି, ଶଶିକାନ୍ତ ପ୍ରଧାନ ଓ ସୁକାମର ମିଶ୍ର ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା