ଜଳେଶ୍ୱର (ସମୃଦ୍ଧ ଓଡିଶା) ସବୁବର୍ଷ ପରି ଚଳିତବର୍ଷ ବାସନ୍ତୀପୂଜା କମିଟି ପକ୍ଷରୁ ବ୍ଲକ ସ୍ତରୀୟ ସ୍ୱାଧିନତା ଦିବସ ବାସନ୍ତୀ ପଡିଆଠାରେ ବିପୁଳ ଉତ୍ସାହ ଓ ଉଦ୍ଦିପନା ମଧ୍ୟରେ ପାଳିତ ହୋଇ ଯାଇଛି । ଏଥିରେ ଅବସରପ୍ରାପ୍ତ ପୋଲିସ୍ ସୁପରିଟେଣ୍ଡେଣ୍ଟ ସନ୍ତୋଷ କୁମାର ନାୟକ ପତାକା ଉତ୍ତୋଳନ କରିବା ସହ ସମ୍ମିଳିତ ପ୍ୟାରେଡ୍ ଅଭିବାଦନ ଗ୍ରହଣ କରିଥିଲେ । ସାମ୍ପ୍ରତିକ ସାମଜରେ ସନ୍ତ୍ରାସବାଦ, ଆତଙ୍କବାଦ ଓ ସାମାଜିକ ହିଂସା ବୃଦ୍ଧି ପାଉଥିବାରୁ ଏହାକୁ ପ୍ରତିହତ କରିବା ପାଇଁ ଆଜିର ଛାତ୍ରଛାତ୍ରୀ ଭବିଷ୍ୟତ ପାଇଁ ପ୍ରସ୍ତୁତ ରହିବାକୁ ସେ ଆହ୍ୱାନ ଦେଇଥିଲେ । ସରୋଜ କୁମାର ପାଣିଗ୍ରାହୀଙ୍କ ସଂଚାଳନା, ପୂଗା କମିଟିର ସଭାପତି ଦୁର୍ଜୟ କୁମାର ପାଣିଗ୍ରାହୀଙ୍କ ଅଧ୍ୟକ୍ଷତାରେ ଏହି ଉତ୍ସବ ଅନୁଷ୍ଠିତ ହୋଇଥିବା ବେଳେ ଏଥିରେ ଆଇନଜୀବୀ ଚିନ୍ମୟ କୁମାର ଦାସ, ଭାରପ୍ରାପ୍ତ ଆଇଆଇସି ମନୋରମା ବାରିକ୍, କମଳ ଚକ୍ରବର୍ତ୍ତୀ, ଅରୁଣ ବେଜ ପ୍ରମୁଖ ଉପସ୍ଥିତ ଥିଲେ । ଏଥିରେ ବିଭିନ୍ନ ଶିକ୍ଷାନୁଷ୍ଠାନର ବହୁ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା