ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ମହୋତ୍ସବ ପଡିଆରେ ଆଜି ବୁଧବାର ସଂଧ୍ୟାରେ ପେଟ୍ ଡଗ୍ ସୋ ଅନୁଷ୍ଠିତ ହୋଇଯାଇଈଛି । ରୋଟ୍ରାଟ୍ କ୍ଳବ ପକ୍ଷରୁ ଆୟୋଜିତ ଏହି ପ୍ରଦର୍ଶନୀରେ ଜଳେଶ୍ୱରର ବିଭିନ୍ନ ଅଂଚଳରୁ କୁକୁର ଗୁଡିକ ଆସି ଭାଗ ନେଇଥିଲେ । ଦୁଇ ପ୍ରକାର ପ୍ରଦର୍ଶନୀ ଅନୁଷ୍ଠିତ ହୋଇଥିବା ବେଳେ ଛୋଟ ପ୍ରଜାତି କୁକୁର ମଧ୍ୟରେ ସେକ୍ସରାଇର ଇନ୍ଦ୍ରଜିତ୍ ସାହୁ ଓ ବଡ ପ୍ରଜାତିରେ ସୋନାକଣିଆର କେଶବ ଘୋଷଙ୍କ କୁକୁର ଶ୍ରେଷ୍ଠତ୍ୱ ପ୍ରତିପାଦନ କରି ପୁରସ୍କୃତ ହୋଇଥିଲେ । ସେହିପରି ବଡ ପ୍ରଜାତିରେ ଜଳେଶ୍ୱରର ତୁଷାର ଦେବରାଓ, ଝାଡେଶ୍ୱର ପୁରର ଏମ୍ଡି ସନୁଙ୍କ କୁକୁର ଯୁଗ୍ମ ଦ୍ୱିତୀୟ ଓ ରାଜପୁରର ସେକ୍ ରାଜା ଓ ବାଲେଶ୍ୱରର ଜିତେନ୍ଦ୍ର ଦାସୁଙ୍କ କୁକୁର ଯୁଗ୍ମ ତୃତୀୟ ହୋଇଥିବା ଜଣାଯାଇଛି । ଏଥିରେ ଡ. ଅରୁଣ କୁମାର ପ୍ରଧାନ ଓ ଡ. ରଂଜନ କୁମାର ଦାସ ବିଚାରକ ଭାବେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ରେଟ୍ରାଟ୍ କ୍ଲବର ସଭାପତି ହାସିରୁଦ୍ଦିନ ବକ୍ସ, ଆର୍ସିସି ସୁବ୍ରତ ରଣା, ପ୍ରଜେକ୍ଟ ଚେୟାରମ୍ୟାନ୍ ପୁଷ୍ପେନ୍ଦୁ ଜେନା, କୋଷାଧ୍ୟକ୍ଷ ସୁରଜ ଚୌରାସିଆ, ରାଜେଶ ସାମନ୍ତ ଓ ସୂର୍ଯ୍ୟକାନ୍ତ ବେହେରା ପରିଚାଳନା କରିଥିଲେ ।
ରିପୋର୍ଟ : ଭୂପତି କୁମାର ପରିଡା