ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ସବଜେଲ ପରିସରରେ ଆଇନ୍ ସଚେତନତା ଦିବସ ପାଳିତ ହୋଇ ଯାଇଛି । ଏଥିରେ ଜିଲା ଆଇନ୍ ସେବା ପ୍ରାଧିକାରଣର ଅଧକ୍ଷା ରିନା ଚୌଧୁରୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଜଳେଶ୍ୱର ସବ ଜର୍ଜ ବିନୋଦ ବିହାରୀ ସାହୁ ଏଥିରେ ଯୋଗ ଦେଇ ଆଇନ୍ ସଂପର୍କରେ ସଚେତନ ହେଲେ ବହୁ ଅପରାଧରୁ କିପରି ମୁକ୍ତି ମିଳିପାରିବ ଓ ଅନ୍ୟମାନେ ସଚେତନ ହୋଇ ପାରିବେ ସେ ସଂପର୍କରେ କହିଥିଲେ । ଅନ୍ୟମାନଙ୍କ ମଧ୍ୟରେ ଆଇନଜୀବୀ ରବିନ୍ଦ୍ର କୁମାର ଦଣ୍ଡପାଟ, ନିଗମ ପାତ୍ର, ଜଗଦିଶ ଚନ୍ଦ୍ର ପାଳ, ରିମାଣ୍ଡ ଓକିଲ ଗୌର ଗୋପାଳ ପ୍ରଧାନ ଆଦି ଏଥିରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ କଏଦି ମାନଙ୍କ ପାଇଁ ଥିବା ବିଭିନ୍ନ ଆଇନ୍ ସଂପର୍କରେ ବର୍ଣ୍ଣନା କରାଯାଇଥିଲା । ଏହାପରେ ଜିଲା ଆଇନ ସେବା ପ୍ରାଧିକାରଣର ଅଧ୍ୟକ୍ଷା ରିନା ଚୌଧୁରୀ ଗାନ୍ଧି ସେବାଶ୍ରମକୁ ଯାଇ ସେଠାରେ ଥିବା ଅନ୍ତେବାସୀମାନଙ୍କୁ ଭେଟିଥିଲେ ।
ରିପୋର୍ଟ : ଭୂପତି କୁମାର ପରିଡା