ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ସହରର ବଡବଜାରଠାରେ ଥିବା ସରସ୍ୱତୀ ଶିଶୁ ବିଦ୍ୟାମନ୍ଦିରର ହଷ୍ଟେଲରୁ ଜଣେ ଛାତ୍ର ଫେରାର ହେବା ଘଟଣାକୁ ନେଇ ସହରରେ ଆଲୋଡନ ସୃଷ୍ଟି ହୋଇଛି । ଘଟଣାରୁ ପ୍ରକାଶ ଭୋଗରାଇ ଥାନା ଅନ୍ତର୍ଗତ ହାଣ୍ଡିପଡା ଗାଁର କାହ୍ନୁଚରଣ ଦାସଙ୍କ ୧୩ବର୍ଷର ପୁଅ ଗୋବିନ୍ଦ ଦାସ ଜଳେଶ୍ୱର ସରସ୍ୱତୀ ଶିଶୁ ବିଦ୍ୟାମନ୍ଦିରର ୮ମ ଶେଣୀରେ ଅଧ୍ୟୟନ କରିଆସୁଛନ୍ତି । ଆଜି ଭୋର ୫ଟାରେ ଗୋବିନ୍ଦ କାହାକୁ କିଛି ନ କହି ହଷ୍ଟେଲରୁ ଅନ୍ୟତ୍ର ଚାଲି ଯାଇଥିବାର ଥାନରେ ଅଭିଯୋଗ ହୋଇଛି । ଏ ସଂପର୍କରେ ସିସିଟିଭି ଫୁଟେଜରୁ ଜଣାଯାଇଛି ଭୋର ୫ଟାରେ ଗୋବିନ୍ଦ ୨ୟ ମହଲାରେ ଶୋଇଥିବା ବିଛଣାରୁ ଉଠି ପାଣି ପାଇପ୍ ଜରିଆରେ ତଳକୁ ଓହ୍ଲାଇ କୁଆଡେ ଚାଲି ଯାଇଛି । ଖବର ପାଇ ତାର ମା ଗୀତାରାଣୀ ଦାସ ଓ ପରିବାରବର୍ଗ ଜଳେଶ୍ୱର ଶିଶୁ ମନ୍ଦିରରେ ପହଞ୍ଚିଛନ୍ତି । ସରସ୍ୱତୀ ଶିଶୁ ମନ୍ଦିର ଓ ମା ଗୀତାରାଣୀଙ୍କ ପକ୍ଷରୁ ପୃଥକ ପୃଥକ ଅଭିଯୋଗ ଜଳେଶ୍ୱର ଥାନାରେ କରାଯାଇଛି ।
ରିପୋର୍ଟ : ଭୂପତି କୁମାର ପରିଡା
